La
28-an de marto, 2002, oficiale publikighis la "Projekto
por la Pekinaj Olimpikoj en 2008".
Antau
tio en la dauro de 2 monatoj la pekina registaro kaj
la Organiza Komitato de la 29-aj Olimpikoj kolektis
opiniojn kaj proponojn de diversaj flankoj pere de telefono,
telefakso kaj retposhto, kaj faris la projekton kompare
perfekta.
Adjudiko
en la monda skalo
Antau nelonge la Olimpika Ghardeno kaj Kultur-sporta
Centro en Wukesong komencis peti projektojn el la tuta
mondo per la adjudiko en internacia maniero. La adjudiko
enhavas konstruan projekton, ghian plenumadon, kontrolon,
konsilighon kaj acheton de materialoj. Por fari la Olimpikojn
"Verdaj, Scienc-teknologiaj kaj Humanismaj"
kaj fari la stadionojn kaj sporthalojn por la Olimpikoj
en 2008 ne nur kontentigantaj la bezonon de la konkursoj,
sed ankau utila al la urba disvolvigho en la estonteco,
la urbo Pekino invitas la projektistojn spertajn kaj
kreivajn, kiuj volonte dedichas sian forton al la Olimpika
afero kaj al la projektado de tiuj du konstruajhoj cele
postlasi richajn heredajhojn Olimpikajn al Pekino, Chinio
kaj la tuta mondo. La proponitaj projektoj estos prijughitaj
de fakuloj julie chijare. La jughkomitato konsistos
el koncernaj personoj de la Internacia Olimpika Komitato,
Organiza Komitato de la 29-aj Olimpikoj, pekinaj fakuloj
kaj aliaj chinaj kaj alilandaj projektistoj.
Tri
periodoj
Oni
dividas la preparadon de Olimpikoj en tri periodojn.
La
prepara periodo dauros de decembro de 2001 ghis junio
de 2003. En tiu periodo oni fondos gvidan organon de
la Olimpikoj, komplete plenumos la preparon de konstruo
de la Olimpikaj stadionoj kaj sporthaloj, mediprotektaj
kaj fundamentaj urbaj konstruoj kaj turismaj instalajhoj
kaj komencos la merkatan preparon.
De
julio de 2003 ghis junio de 2006 estos la periodo de
kompleta konstruado. En tiu periodo oni plenumos chiujn
taskojn difinitajn de la Deka Jarkvino (2001-2005),
pri la Pekinaj Olimpikoj, komencos kaj plenumos la konstruadon
de la Olimpikaj stadionoj, sporthaloj kaj iliaj ekipajhoj.
Kaj chiuj preparoj estos plenumitaj.
De
julio de 2006 ghis inauguro de la Olimpikoj en 2008
oni perfektigos la funkcion de tiuj konstruoj kaj ekipajhoj,
por ke chiuj stadionoj, sporthaloj kaj iliaj ekipajhoj
estu konformaj al la bezono de la Olimpikoj. En tiu
periodo oni bonordigos, ekzamenos kaj provos la konstruojn
kaj ekipajhojn, por ke ili estu bone funkciantaj. La
organizado, sekureca laboro kaj aliaj servaj laboroj
estos en bona ordo.
Honestaj
Olimpikoj
La
29-aj Olimpikoj bezonos 37 sporthalojn kaj stadionojn,
el kiuj 32 trovighos en Pekino. Oni rekonstruos 59 trejnajn
stadionojn kaj sporthalojn. Por tio oni bezonos 1.44
miliardojn da usonaj dolaroj kaj krom tio ankau 1.94
miliardojn da usonaj dolaroj por konstruo de la Olimpika
Vilagho kaj Inform-centro. Oni diris, ke la Organiza
Komisiono kolektos tiun monsumon pere de politika gvido
fare de la pekina registaro kaj merkata reguligo.
Prezidanto
de la Organiza Komitato de la 29-aj Olimpikoj kaj urbestro
de Pekino Liu Qi diris, ke tuta monsumo por la 29-aj
Olimpikoj estos uzata sub rigora kontrolo.
Por
tio Pekino jam establis kontrolan komitaton de la 29-aj
Olimpikoj, kiu plenumos la rajton de kontrolado kaj
faros kontrolon super uzado de la monsumo. Krom tio
la Organiza Komitato mem havas administrantaron por
kontroli kontojn, konstruojn kaj lauleghe kontroli uzadon
de la monsumo kaj garantii adjudikon kaj akcepton de
adjudiko de chiuj konstruoj lau la legho de la shtato.
La
plej grava rimedo de la Organiza Komitato de la 29-aj
Olimpikoj estas publikigi al la tuta socio chiujn Olimpikajn
konstruojn, inkl. de la chefaj enhavoj, investanto kaj
irado de la projektoj de chiuj konstruoj, praktiki la
dumvivan respondecon de leghpersonoj kaj plenumi la
denuncan sistemon, por ke chiuj projektoj estu sub rigora
kontrolo de la popolo kaj socio.
S-ro
Liu Qi diris, ke chiuj chi estos farataj por garantii
ke la 29-aj Olimpikoj estu honestaj.
Verdaj
Olimpikoj
Pekino dedichas grandan atenton al mediprotektado kaj
rigardas ghin kiel la plej gravan kondichon por la Olimpikoj
kaj elleboris rigorajn normojn kaj garantian sistemon
de la ekologia medio, vaste aplikas teknikon kaj rimedon
de la media protektado, grandskale faras median reguligon
kaj arbarizadon kaj disvolvon de la mediprotekta industrio
kaj proponas verdan konsumon por ekologia urbo.
Lau
la projekto de la Olimpika agado chiuj konstruejoj devas
rigore limigi la polvoran poluon por la mediprotekta
bezono. Lau la plano, en 2005 en Pekino ne vidighos
nuda tero kaj chiuj stratoj estos mashine purigotaj
kaj akvumotaj.
La
plano montros ankau, ke pekinanoj verdigos 255 gravajn
stratojn kaj en multaj lokoj realigos tridimensian verdigon
kaj larghigos la akvan surfacon en la urbo, konstruos
50 grandarean verdejon kun arboj kiel la chefaj, kun
po pli ol 10 mil kvadrataj metroj, plibonigos la verdigan
sistemon de la satelitaj urbetoj kaj 33 centraj urbetoj.
En 2007 45% de la tero de la urbo estos verdigitaj.
Revenu
|