La 21-an de februaro Jacques Rogge, prezidanto de la Internacia Olimpika Komitato, diris en la gazetara konferenco, okazinta en Lauzano, Svisio, ke la Internacia Olimpika Komitato estas kontenta pri preparado de Pekino por la 29-aj Olimpikoj en 2008.

    La Plenuma Komitato de la Internacia Olimpika Komitato auskultis la raporton de Pekino kaj opiniis, ke ghia preparado estas bona kaj la energia preparado kaj granda subteno de la pekina registaro kaj la Organiza Komitato por la Pekinaj Olimpikoj al tiu laboro profunde impresas la plenuman komitaton.

    Rogge diris ankau, ke la preparado de Pekino havas ankau iujn malgrandajn mankojn, ke iuj projektoj estas prokrastataj. Li esperis, ke la Organiza Komitato por la Pekinaj Olimpikoj kiel eble plej rapide solvos tiun problemon.

    La plenuma komitato kunvokita en Lauzano chefe auskultis la raportojn de la Organiza Komitato por la Atenaj Olimpikoj en 2004, tiu por la Torinaj Vintraj Olimpikoj en 2006 kaj tiu por la Pekinaj Olimpikoj en 2008 kaj faris taksadon pri la projektoj en la Pekinaj Olimpikoj.

Revenu