La 14-an de aprilo china prezidanto Hu Jintao, kiu estis inspektanta en Guangdong-provinco, venis en la Centron de Prevento kaj Rego de Malsanoj de la provinco kaj interparolis kun medicinistoj por prevento kaj kuraco de netipa pulmito. Hu diris, ke nun oni devas preni preventon kaj kuracon de netipa pulmito kiel gravan aferon por la ghenerala situacio de reformado kaj pordmalfermo, sano kaj vivo de la china popolo, kaj bone trakti tion.

    Informighinte, ke neniu medicinisto de Nanfang-hospitalo kaj Toraka Hospitalo de Kantono estis infektita en kuraco de malsanuloj, suferantaj de netipa pulmito, Hu diris, ke oni devas resumi sperton, havigi al si efikajn preventajn ekipajhojn kaj perfektigi la protektan rimedon por medicinistoj, char tio koncernas ne nur sanon de la medicinistoj mem, sed ankau la sukcesan batalon kontrau la malsano.

    En la nomo de la registaro Hu montris koran dankon kaj intiman konsolon al la medicinistoj kaj aliaj personoj, kiuj kontribuis al la batalo kontrau la malsano.

    Hu diris, ke oni devas dedichi grandan atenton al prevento kaj kuraco de netipa pulmito, fari chion eblan por kuraci la malsanulojn kaj kiel eble plej rapide resanigi ilin. Oni devas daure doni atenton al observo de la situacio por bremsi disvastighon de la malsano. Hu postulis, ke la diversnivelaj registaroj donu grandan helpon al la medicinaj establoj por solvi ilian malfacilon kaj kreu necesajn kondichojn por ilia laboro. La medicinistoj devas perfektigi la kuracan metodon kaj kiel eble plej rapide konfirmighi pri la kauzo de la malsano.