La 20-an de aprilo china prezidanto Hu Jintao inspektis la Instituton de Mikrobaj Epidemioj sub la China Akademio de Milita Medicino kaj la Pekinan Instituton pri Genaro sub la China Akademio de Sciencoj. Li esprimis koran dankon kaj altan estimon al la sciencistoj kaj teknikistoj, kiuj akiris gravajn atingojn en la batalo kontrau netipa pulmito, kaj kuraghigis ilin firmdecide daurigi sian esploradon por fari pli grandajn kontribuojn por venki la malsanon kaj protekti la vivon kaj sanon de la popolo.

    La supre menciitaj du institutoj faris gravan scienc-teknologian esploradon pri netipa pulmito. Dank' al sia penega laboro ili akiris gravajn sukcesojn. Ili trovis novtipan koronaviruson, plenumis mezuradon de tuta genaro de koronaviruso kaj faris rimedon de rapida diagnozo. Dank' al tiuj atingoj oni posedis kompare precizan, fidindan, rapidan kaj malmultekostan diagnozan metodon kaj metis bazon por fari vakcinon kaj medikamentojn kontrau netipa pulmito.

    Hu emfazis, ke por venko super la malsano oni devas disvolvi la gravan rolon de sciencoj kaj teknikoj. Li deziris, ke la medicinistoj faru pli profundan esploradon pri diagnozo, medikamentoj kaj vakcino kontrau tiu malsano kaj protektaj ekipajhoj, kiel eble plej rapide realigu la grandkvantan produktadon kaj uzu ilin en la kuracado.