La 20-an de majo oni informighis de la Instituto de Chinmedicina Medikamento de Sichuan-provinco, ke kontrauvirusa injektajho entenanta "XYW", elementoj el chinmedicinaj drogoj, estis provita de la Epidemia Instituto de la China Akademio de Milita Medicino, ke la injektajho evidente inhibicias SARS-viruson.

    Respondeculo de la instituto konigis: "La nova medikamento havas larghspektran kontrauvirusan rolon, kaj eksperimento pruvis, ke ghi kompare forte inhibicias 7-8 specojn da virusoj. Oni esploris ghin kiel novan medikamenton por kuraci infektighon de supra spira kanalo. Ekspertizo atestis, ke ghi ludas kontentigan rolon por inhibicii ankau SARS-viruson. Tial estas espereble fari ghin nova medikamento por kuraci SARS."

     La esplorado de la medikamento dauris jam 4 jarojn, kaj 80% de la esplorado por kliniko estis plenumita. Oni faris 3 provojn pri ghia efiko en inhibicio de SARS-viruso, kaj la tria provo estis farita en la 15-a de majo. Raportajho pri la eksperimento estis pretigita. Nun la tuta instituto aldonas necesajn eksperimentojn kaj ordigas la datumojn de la eksperimentoj por kiel eble plej frue prezenti koncernajn materialojn al la Shtata Kontrola kaj Administra Buroo de Manghajhoj kaj Medikamentoj, por kiel eble plej frue apliki la medikamenton en kuraco de SARS.