La 28-an de majo en la 56-a Monda Sanprotekta Asembleo (MSA) en Ghenevo reprezentantoj aprobis rezolucion pri SARS. La rezolucio alvokas plifortigi internacian kaj regionan kunlaboron inter membroj de la Monda San-Organizo (MSO), alpreni efikajn rimedojn kaj plimultigi investon por superregi disvastigon de la unua serioza infekta malsano de la nova jarcento en la mondo. La rezolucio ankau prezentas serion da konkretaj rimedoj, kiuj postulas praktikadon de membroj de MSO kaj ghenerala direktoro de MSO.

     Post aprobo de la rezolucio Sha Zukang, delegito de Chinio al MSA en Ghenevo, diris, ke SARS tushas problemojn de sano kaj higieno, kiuj ne devas implikighi kun politiko. Li montris, ke por la chinaj registaro kaj popolo nenio estas pli grava ol shtata suvereneco, teritoria integreco kaj nacia digno. Chinio ne povas kompromisi pri tiuj gravaj politikaj aferoj. En la sama tago membroj aprobis ankau rezolucion pri revizio de "Internaciaj Higienaj Reguloj" kaj aliajn rezoluciojn, kaj fermighis la 56-a MSA.