Lastatempe okazis en Pekino Altnivela Internacia Simpozio de Prevento kaj Kuraco de SARS, en kiu partoprenis Chinio, Japanio, Koreio kaj la Asocio de Sudorient-Aziaj Landoj.

    Zhong Nanshan, membro de la China Inghenieria Akademio kaj direktoro de la Guangzhou-a Instituto de Spirkanala Malsano, diris en la simpozio, ke lau analizo pri disvastigho de SARS en Hongkongo kaj Kantono kaj pri la serio da efikaj rimedoj kontrau SARS en diversaj lokoj de Chinio, kontagho de SARS en Chinio venas al la fino, sed oni devas sin gardi kontrau relevigho de la malsano, havigi al si higienan vivmanieron kaj abstini de frandado de sovaghaj bestoj.

    Zhong Nanshan emfazis ankau, ke por batali kontrau komuna malsano de la homaro internacia kunlaboro estas necesa rilate vakcinon kaj kuracadon, geno-esploradon kaj elektadon de medikamentoj kontrau SARS.