Por la homaro SARS estas neatendita malamiko. En tiu nevidebla batalo inter la homaro kaj la viruso, kuracistoj kaj flegistoj farighis fokuso de la socio. Jene estas tagnotoj de Wang Baoli, 39-jara flegistino de mezgrada kuracejo de Pekino. Shi dufoje laboris en la observa chambro de SARS-suferantoj. Shia taglibro notas la tagojn kaj noktojn, en kiuj shi kaj shiaj kolegoj flegis suspektatojn de SARS.

    En la 24-a de junio la Monda San-Organizo nuligis la turisman averton al Pekino. Nun Wang Baoli jam revenis hejmen. Retrorigardante la pasintajn tagojn shi sentas, ke la sukceso estas malfacila.

---- La Red.

    En la tago en la komenco de aprilo, nia hospitalo decidis rekonstrui la malsanulajn chambrojn de la pediatria sekcio, por ke ili akceptu suspektatojn de SARS. Do la infanoj de nia fako tuj transloghighis al alia hospitalo. Tio donas al mi la impreson - SARS proksimighis al mi.

La 14-a de aprilo

    Frumatene, kiam mi atingis la kuracejon, direktoro diris, ke mi ekzamenu la korpon por labori en chambroj de SARS-suferantoj. Kvankam pri tio mi jam preparis min en menso, tamen chi-sabate mi devas partopreni postlaboran ekzamenon, tio estas grava por mi. Do mi diris: "Chu estas bone en la venonta semajno?" Anstatau mi Aihua, mia kolego, volonte sin preparas labori en chambro de SARS-suferantoj.

     Reveninte hejmen mi rakontis tion al mia 14-jara filino, kaj shi diris al mi: "Panjo, kial vi tiel diris? Via devo malpermesas vian retirighon!" Mi rughighis. Kio estas neforlasebla antau SARS?

La 15-a de aprilo

    Aihua kaj alia kolego de nia sekcio eklaboris en chambroj de SARS-suferantoj post la korpoekzameno. Ni laboras en la jhus finkonstruita sekcio speciala por februloj. Por eviti infekti aliajn la kuracejo lokis la febran sekcion en tiu sola konstruo, kiu dividighis en du partojn, unu estas por la ordinaraj februloj kaj la alia por SARS-suferantoj. Ankau observa chambro trovighas chi tie.

La 17-a de aprilo

    Ghis hodiau la observa chambro jam akceptis 5 malsanulojn. Sur ilia diagnoz-papero estas skribite: SARS-suspektato. Nia laboro estas eltiri sangon, fari envejnan pogutigadon kaj alian traktadon. Ankau nutri seriozajn malsanulojn estas nia laboro, krom senchesa antisepsado: post chiu au chiu 2-a horo disshprucigi sterilizajhon, ankau sterilizi en difinita tempo ansojn de pordo kaj aliajn objektojn estas necesaj. En la kuracista ripozejo stakis izolaj kostumoj, bushshirmiloj, chapoj k.s. Ni atentigis unu al alia akrigi singardemon.

La 18-a de aprilo

    4 el la malsanuloj hierau en la observejo jam estis konstatitaj kiel SARS-suferantoj kaj translokitaj al la speciala chambro. Ni konsideris la seriozan staton el la pli kaj pli multaj malsanuloj, por kiuj niaj observejoj estas ne sufichaj, kaj mi kaj aliaj 5 flegistinoj estas okupitaj. Antau kelkaj tagoj ni laboris 12 horojn chiutage, tamen hodiau ni devas labori 24 horojn. La difinitan ekzamenon mi ne povas ne forlasi. Ni kiel eble plej bone protektas nin mem per pli dikaj bushshirmilo kaj chapo kaj kiel eble plej malmulte nudigi korpopartojn ekster la izola kostumo. Tio ne estas timemo, char protekti nin mem estas utile por redukti infektan fonton. Tiuj malsanuloj kushantaj sur lito sentigis min, ke mia vivo estas ne sole por mi mem.

La 19-a ghis la 23-a de aprilo

    Labori en la febra sekcio en tiuj tagoj sentigis al mi gravan devon, ne sole pro la laudo de la publiko. Okuloj helppetaj de niaj malsanuloj pelas min helpi ilin.

     En nia observa chambro estas 14-jara knabo, kiu suferas seriozan febron, tusadon kaj brustdoloron. Li estas obeema, li ofte portas bushshirmilon. Kiam ni faris traktadon, li ofte turnas la vizaghon al alia flanko por eviti vizaghi al ni, post tio li diris: "Dankon! Onklino." Mi ofte lin vizitis kun informoj de lia patrino kaj helpis lin sterilizi mantukon kaj bushshirmilon, kaj kuraghigis lin multe manghi...

     Komercisto el alia loko kun serioza febro kaj malfacila spirado estis diagnozita kiel SARS-suferanto kaj translokota al speciala SARS-chambro. Li estas silentema kaj ne akordighas kun kuracado. Hodiau li diris al mi ke li sentas sufokon, sed li ne volas uzi oksigenan inhalilon. "Manko de oksigeno sentigas al vi sufokon," mi diris kaj enigis la oksigenan tubon en lian nazon, sed li kolere ghin eltiris kaj diris: "Ne kuracu min, chiutage mi devas suferi tiel multfojan injektadon kaj sango-eltiradon, sed nun mia malsano pli kaj pli seriozighas." Dirinte li forte enspiradis. "Mi konas, ke antaue vi estis forta, tamen vi devas scii, ke resanigho bezonas tempon, persistu kaj certe vi resanighos. Pripensu viajn familianojn, kiel ili vin zorgas kaj atendas!" Kun larmoj en la okuloj li remetis la tubon en la nazon. Mi diris: "Se vi sentas sufokon, ne portu la bushshirmilon." Mi scias, ke lia portado de bushshirmilo protektas nin kuracistojn. Sed li fine ghin portis.

La 24-a de aprilo

    Mia kolego Ping ekfebris hodiau, shi kaj alia flegistino enloghighis en nia observa chambro. Mi kaj miaj aliaj kolegoj larmis, sed neniu el ni dizertis. Sendistanca kontaktigho kun malsanuloj facile kauzas infektighon de kuracistoj kaj flegistoj. Por elekti pli taugan sangvaskulon por punkcii, ni ech demetas la protektajn okulvitrojn au eksterajn gantojn. Granda laboro kaj forta respondeco forgesigas al ni timemon.

La 25-a de aprilo

    Por redukti eblecon infekti familianojn, hodiau la kuracejo aranghis loghdomon por ni.

     La kuracejo rekonstruis pli da chambroj por SARS-suferantoj, kaj ankau la observaj chambroj multighis. Ni aplikas pli da rimedoj, nome ni dividis la observajn chambrojn en 3 partojn: poluanta parto, duonpoluanta parto kaj pura parto. Nia laboro ghenerale en la poluanta kaj duonpoluanta partoj. La kuracejo aranghis, ke aliaj 12 flegistinoj laboru en nia sekcio, do nia laboro iom malpezighis.

La 1-a de majo

    Hodiau estas la Internacia Labora Tago. Mi estas en dejhoro. Sed ekpensante la pauzon en postaj tagoj, mi tuj malstrechighis. En la lastaj tagoj mia vivo estis plenaj de laboro, shvitado, trinkado kaj enlitigho. Mi sopiris mian filinon, mi preskau perdis kontakton kun miaj amikoj inkluzive Aihua, kiu laboris en SARS-chambro anstatau mi, kvankam mi kaj shi laboris en la sama kuracejo.

     Mi tuj telefonis al shi. Shi diris al mi, ke en la chambro prizorgata de shi estis SARS-suferantino pli-ol-70-jara kaj samtempe suferis cerb-malsanon, kaj kelkfoje havis halucion. Shi ankau ne povis akordighi en kuracado. Aihua surmetis al shi oksigenan inhalilon, tamen shi foje demetis ghin foje faligis la pogutigan botelon sur la plankon. Por la flegistinoj estas principo, t.e. sub la kondicho de suficha flegado, kiel eble plej mallonge resti che la suferantoj, sed en tiu tago la maljunulino estis en malbona stato, do Aihua en la tuta nokto sidis apud la maljunulino. Sed bedaurinde, en la sekvanta tago chi tiu forpasis. Audinte tion, mi ekmemoris la tekston de kanto "savi vivon per vivo", vere miaj kolegoj per sia vivo savas aliajn!

La 2-a de majo

    Hodiau, post 17-taga laborado, mi ekripozas. Ni venis en la sanatorion aranghitan de la kuracejo, tie ni loghos 10 tagojn, poste ni revenos hejmen por kunesti kun niaj familianoj.