Kantono estas loko, kie oni malkovris la unuan chinan infektiton de SARS-viruso. En la lasta tagdeko de januaro, 2003, multe da homoj estis atakitaj de febro kaj ne malmulte da medicinistoj infektighis de ghi pro nescio de la graveco de tiu epidemio. Tiam Zhong Nanshan petis, ke oni transportu dangherajn malsanulojn al la spirologia instituto, kiun li gvidis.

    Por fari tiun decidon oni devas esti kuragha, char tiam la malsana kauzo ne estis klara kaj neniu estis certa, kiamaniere oni povos resanigi la malsanulojn, kaj plie oni jam bone konis ghian fortan infektecon kaj, ju pli grava estas la malsano, des pli danghera estas la infekto.

    Zhong Nanshan ne multe zorgis pri tio. Li diris al siaj kolegoj: "Estas tempo por testi nin." De tiam estis transportitaj al lia instituto dangheraj SARS-malsanuloj unu post alia.

    Li esprimis, ke se estas 1% da espero, li faros 100% da penado por savi chiun SARS-mlsanulon. Li fondis esplor-grupon el spirologoj kaj studis dokumentojn tagnokte, atenteme observis shanghighon de la malsano, detale registris la materialojn studindajn kaj finfine trovis rimedon kaj ghustatempe faris senvundan spiradon por mildigi la sindromon de la malsanulo kaj modere injekti kortikan hormonon al la malsanulo por malhelpi figrighon de la pulmoj kaj aplikis al la malsanulo antibiotikajn medikamentojn. Poste multaj hospitaloj alprenis lian kuracmetodon, kiu farighis ghenerale uzata.

    Post plurmonata penado Guangdong-provinco atingis certan sukceson en batalo kontrau SARS. Kaj la kuracmetodo de Zhong Nanshan liveris bazon de la argumento por fari decidon kaj donis valoran sperton al la higienaj departementoj de Chinio.