Aristotelo,
fama filozofo kaj sciencisto de antikva Grekio, diris: "Por
vivi, homoj venas en urbon; por vivi pli bone, ili loĝas en urbo",
de kio devenas la temo de la Ŝanhaja Monda Ekspozicio (ŜME) en
2010 — "Bela urbo, bela vivo". Post ĉ. mil tagoj okazos
la inaŭguro de ŜME. Kun sopiro de homoj pri pli bona vivo, ŜME
proksimiĝas pli kaj pli.
Harmoniigi
pasintecon kaj estontecon
La
19-an de aŭgusto 2006, komenciĝis la konstruado de la bazaj instalaĵoj
de ŜME. Sur iu tabulo en konstruejo estas skemo pri la konstruata
projekto. Oni signis en la skemo la malnovajn kaldronejojn, konservejojn
kaj laborejojn per la vorto "Rekonstruado". Kiam oni
stiras buldozon por labori en la ĝardeno kun areo de 5.28 kvadrataj
kilometroj, li devas ĉirkaŭiri la industriajn restaĵojn, kiuj
vidigas la disvolviĝan procezon de la ĉina nacia industrio.
La ĝardeno de ŜME estas konstruata
sur industria ruino, tio estas multe diferenca de tiuj de la antaŭaj
mondaj ekspozicioj. Laŭ la projekto iuj malnovaj fabrikoj estos
rekonstruitaj en eksponejojn, aliaj en instalaĵojn por publika
agado kaj triaj en manĝejojn kaj ripozĉambrojn. Oni povas konservi
la industriajn restaĵojn je malmulta kosto por harmoniigi pasintecon
kaj estontecon.
Simbola
konstruaĵo — la Parko de ŜME
Preskaŭ
ĉiuj antaŭaj Mondaj Ekspozicioj havas sian simbolan konstruaĵon.
Ŝanhajo planas konstrui parkon de ŜME ĉe la bordo de Huangpu-rivero
kiel simbolan konstruaĵon, kies areo estas pli ol 50 kvadrataj
kilometroj kaj verdeja areo — 29 kvadrataj kilometroj inkluzive.
En la parko Huangpu-rivero estas
grava. Oni konstruos ondoforman verdejon ĉe la rivero laŭ la topografio.
Krome, oni starigos grandajn belajn kaj elegantajn skulptaĵojn.
Laŭplane, la temo de la natura pejzaĝo de la parko estas "akvo"
kaj "verdo". Tie akvo kaj plantoj plaĉe kontrastos;
arbaroj kaj malsekejoj plimultigos verdon al la urbo. Ŝanhajo
jam profunde esploras la desegnon de akva sistemo, la plantan
funkcion kaj la arbajn specojn kaj por konsideri la sezonan pejzaĝon
dum ŜME kaj por zorgi pri la karakterizaĵo de la pejzaĝo — "Homo
estas la unua, akvo kaj verdo intermiksiĝaj", tiel harmoniigi
la homaron kaj naturon.
Kion
ŜME alportos al ordinaraj urbanoj?
La
temo de ŜME estas "Bela urbo, bela vivo", kiun oni elmontros
per tri ĉefaj linioj — harmonio de historio kaj estonteco, harmonio
de la homaro kaj naturo kaj interhoma harmonio. ŜME elmontras
la figurojn de pordo-malfermo kaj reformado de Ĉinio kaj Ŝanhajo.
Pri Ŝanhajo, ŜME plialtigos la internaciecon de la urbo kaj multe
akcelos konstruadon de bazaj instalaĵoj; krome, ŜME ludos pozitivan
rolon en medio-protektado, ekologio-konstruado, rekonstruado de
malnovaj distriktoj, reguligo de industria strukturo kaj altigo
de persona kvalito de urbanoj. Pro ŜME, la trafika situacio pliboniĝos.
Kiam inaŭguriĝos ŜME, ekfunkcios ĉ. 400 kilometroj da metrooj.
Kia
estos la estonta ĝardeno de ŜME?
La
ĝardeno de ŜME kun 5 partoj elstarigos karakterizaĵojn de Ĉinio,
Ŝanhajo kaj Huangpu-rivero. Oni povas konstrui tie pli ol 160
ŝtatajn eksponejojn, 20 eksponejojn de internaciaj organizoj kaj
eksponejojn por pli ol 200 entreprenoj.
Ankaŭ la desegno de subtera spaco
de la ĝardeno havas siajn karakterizaĵojn. La ĉefa parto de tiu
subtera spaco estas en Pudong-distrikto, kaj la areo de iu subtera
centro estas ĉ. 180 mil kvadrataj metroj. La centro ligos 4 permanentajn
eksponejojn, 3 metroojn kaj la novkonstruitan stacion por magnet-suspensia
trajno, kiu povas esti rigardata kiel trafika centro, urba instalaĵo
kaj komerca centro. Laŭdire, oni baldaŭ finos la konstruadon de
la subtera spaco kun pli ol 400 mil kvadrataj metroj.
Gastigi
la Mondan Ekspozicion konsiderante ekologion kaj facilecon por
homoj
La granda trafika sistemo kaj ĉiuj
konstruaĵoj kaj instalaĵoj ludos rolon ankaŭ post 2010, tio estas
unu el la principoj de ŜME. Resume, oni unue konsideras reutiligon
de la konstruaĵoj post ŜME, kaj la proponoj, kiuj favoras daŭrigeblan
disvolviĝon, estos akceptitaj.
Por la konstruaĵoj de ŜME oni parte
uzos ekologian teknikon, ekz, oni produktos elektron per sunenergio;
faros por-pavimajn brikojn kaj kahelojn el skorio kaj vitroj;
enlasos sunlumon en la subteran spacon kaj ventolos la subteran
spacon por komfortigi homojn; uzos energio-ŝparajn konstruan teknikon
kaj klimatizilojn; faros la pavimon akvotralasa, ke la pluvakvo
povu forlasiĝi rapide kaj ne malsekigu la ŝuojn de pasantoj.
La ĝardeno de ŜME prezentas la ideon
"Homo estas la unua". Oni ne nur zorgas pri la voja
desegno kaj la konstruado de kriplula pasejo, sed ankaŭ profunde
esploras la homan fluon, ekzemple, kiel vizitantoj povas eniri
la ĝardenon rapide kaj tempoŝpare, ne svarmi en sama eksponejo
samtempe, sed disiri kotentaj rapide kaj ĝustatempe.
En aŭgusto de 2006, François Confino
vizitis la Kunordigan Buroon de la Ŝanhaja Monda Ekspozicio. Li
estas la arta direktoro de la Hanovra Monda Ekspozicio de Germanio
kaj fama desegna majstro pri ekspozicio de Francio. Dum la vizito
li diris, ke la ekspozicia desegno de la Monda Ekspozicio devas
konsideri kiel alporti al la vizitantoj senprecedencan skuon.
Efektive, la skuo venas el ĉiuj detaloj de la Monda Ekspozicio.
Oni klopodu kune por gastigi "mirindan, sukcesan kaj neforgeseblan"
mondan ekspozicion.
|