Februare, kiam Ŝanhajo,
ekonomia-komerca centro de Ĉinio, estis vualita de printempa nebula
pluveto, mi kun miaj kolegoj el aliaj vehikloj de Ĉina Fremdlingva
Buroo vizitis Kunordigan Buroon de Ŝanhaja Monda Ekspozicio (ŜME)
situantan en Pudong-distrikto, oriente de Huangpu-rivero.
La Kunordiga Buroo de ŜME troviĝas
en la domo kun 13-etaĝoj, kie la laboro estas streĉa sed bonorda.
S-ro Zhu Yonglei, vicprezidanto de la Kunordiga Buroo de ŜME,
diris ke por gastigi la ekspozicion oni prezentis sloganon “sciencoj
kaj tekniko, sekureco kaj simpleco”, kaj ĝuste pro tiu ideo la
oficejo de la buroo sin lokas en tiu malnova transformita fabrikdomo.
S-ro Zhu kaj s-ro Ji Lude, unu el projektintoj de la temo de ŜME,
detale konigis al ni la preparajn laborojn de ŜME en 2010.
Pri difino de la temo de
ŜME
“Urbo plibeligas la vivon” estas
temo de ŜME en 2010. Koncerne tion, s-ro Ji Lude diris:“De la
unua duono de 1999 ĝis la fino de 2000 la temo estis difinita.
La temoj de la pasintaj Mondaj Ekspozicioj ĝenerale dividiĝas
en 3 kategoriojn: la unua prezentas la homajn kapablojn por konkeri
la naturon, ekz.“Ĉio komenciĝu de la Monda Ekspozicio”; la dua
akcentas la homan harmonion, kia "Scienco kaj tekniko alvokas
homecon", kaj la tria emfazas harmonion inter homaro kaj
naturo. La temo de tiu ĉi ŜME ja apartenas al la tria kategorio.
La urba disvolviĝo ja estas multe atentata de la publiko, ĉar
ĝi havas striktan rilaton kun utiligo de la monda riĉfonto kaj
natura medio.Urbo estas kristaliĝo de la homa civilizacio, kiu
akcelas progreson de homa socio kaj plibonigas homan vivon. Konstruado
de bela urbo povas esti modelo por la homa vivo. S-ro Ji konigis,
ke multaj materialoj montras, ke pli kaj pli da popoloj prenas
la Mondajn Ekspoziciojn kiel grandan manifestacion de “interkompreniĝo,
interŝanĝo, kolektiĝo kaj kunlaboro”.
Menciante la temon de ŜME oni aŭdis
ankaŭ kritikon el iuj, kiuj kontraŭas urbigon. S-ro Zhu Yonglei
ne evitis tiun problemon kaj li diris: "Ni volas montri koncepton
pri tuteco." Li opinias, ke la homoj kaj tero kune vivas
en la organika sistemo kaj la urba disvolviĝo profundigas iliajn
rilatojn ĝis nedisigebleco. “En ŜME per 'plej bona praktika kvartalo
de urbo' ni prezentos, ke urbo povas alporti al la homaro belan
vivon.”
Du brilaj punktoj de ŜME
|
Projekto de la praktika
kvartalo en ŜME |
Kiel unu el la brilaj punktoj de
ŜME, la “plej bona praktika kvartalo de urbo” menciita de s-ro
Zhu estas simula sinteza kvartalo kun multaj urbaj funkcioj kiaj
loĝado, laboro, ripozo kaj trafiko. En la pli-ol-150-jara historio
de la Mondaj Ekspozicioj urbo kiel sendependa programo estos unuafoje
prezentita. En la kvartalo de ŜME aperos simula kvartalo, kie
oni prezentos sintezan valoron inter daŭrigebla disvolviĝo, traktado
de malpura akvo de urbo, sukcesa solvo de trafikaj problemoj kaj
protektado kaj utiligado de historiaj objektoj."
La dua brila punkto de ŜME estas
“surreta monda ekspozicio”. Dank’ al stereoskopa tekniko prezentiĝos
programoj rilate al granda aktiveco, ekspozicio kaj simultana
interkomunikado. Retumantoj povas rekte kaj skize koni la tutan
eksponejon kun areo de 5.28 kvadrataj kilometroj. Dume la surreta
monda ekspozicio faros "anticipan anoncon” al la retumantoj,
“retrorigardon” al tiuj, kiuj iam vizitis la ekspozicion, kaj
“brilan surlokan dissendon sur la reto” al la retumantoj, kiuj
ne povas ĉeesti la surlokan.
Iuj opinias, ke la surreta monda
ekspozicio eble reduktus enspezon de biletoj, sed s-ro Zhu Yonglei
neniom maltrankvilas pri tio. Li diris:“Retejon havas ankaŭ Disney-kompanio,
sed ĝi ne malhelpas la Disney-parkojn. La surreta monda ekspozicio
ekzistas eterne. Antaŭe al la monda ekspozicio mankis taŭga propaganda
maniero ligata kun modernaj amaskomunikiloj, do ĝia influo estis
malpli granda ol tiu de la olimpikoj. Ĉar diferencas aktiveca
formo inter la olimpikoj kaj la monda ekspozicio, kiu emfazas
individuan senton, la interreto liveras al la monda ekspozicio
bonan ŝancon. Ni povas servi al niaj ret-amikoj per facila kaj
efika maniero.” El ilia mallonga klarigo ni jam povas vidi ilian
memfidon por sukcesigi ŜME.
Bonŝanco en la financa krizo
Pri la influo de la monda financa
krizo al ŜME s-ro Zhu diris: “En la 26-a de februaro ni okazigis
gazetaran konferencon pri enirbiletoj de ŜME en Pekino kaj prezentis
rilatajn informojn. Ĉiu enirbileto kostos 160 juanojn (1 euro
= 9 juanoj) kaj ni antaŭvidas 70 milionojn da vizitantoj.” “Kvankam
la financa krizo iagrade influas ekonomion kaj molajn fortojn
de kulturo de diversaj landoj, tamen ili decidis ĉeesti ŜME. Nun
jam 185 landoj kaj regionoj kaj 46 internaciaj organizoj sin anoncis
por aliĝi al ŜME. Ni starigis fonduson kun 100 milionoj da usonaj
dolaroj por disvolviĝantaj landoj, kiuj havas realan financan
malfacilon por ĉeesti ŜME, nun oni jam monhelpis 120 landojn.
Nun pli ol 40 landoj estas konstruantaj aŭ konstruontaj sian eksponejon.”
S-ro Zhu diris: “Fakte ŜME donos memfidon ne nur al Ĉinio, sed
ankaŭ al la tuta mondo .”
ŜME liveros komercajn ŝancojn al
la entreprenoj de arkitekturo, ekspozicio, turismo, var-transporto
kaj scienc-teknika invento de diversaj landoj. ŜME estos ankaŭ
manifestacio de ekonomia kaj kultura fortoj de la ĉeestantaj landoj
kaj donos impulson al la ekonomia, turisma kaj kultura disvolviĝo
de la regionoj kaj la gastiganta lando.
|
|
S-ro Zhu Yonglei, vicprezidanto
de la
Kunordiga Buroo de ŜME |
S-ro Ji Lude, unu el
projektantoj
de la temo de ŜME |
|
|
Projektoj de kelkaj ekspoziciejoj |
Eksponejo en konstruado
|
|