La 2-an de julio de 2002, china delegacio estrata de s-ino Wu Yi, shtata konsilanto de Chinio, cheestis la 131-an sesion de la Internacia Ekspozicia Buroo kaj tie faris raporton pri invito de la Monda Ekspozicio en 2010 fare de la china urbo Shanhajo.

    En sia raporto Wu Yi diris, ke komisiite de prezidanto Jiang Zemin kaj chefministro Zhu Rongji, shi refoje promesas, ke la china registaro firme subtenas Shanhajon en ghia invito de la Monda Ekspozicio en 2010. Shi diris, ke en la venontaj jardekoj la chinaj ekonomio kaj socio daurigos sian rimarkindan kreskon kiel en la pasintaj 20 jaroj kaj la granda komerca shanco estos favora al intershangho kaj kunlaboro de la Monda Ekspozicio kaj chiuj cheestantoj profitos.

    Tang Jiaxuan, china ministro de eksteraj aferoj, diris: "La Monda Ekspozicio estas loko, kie oni manifestas siajn sukcesojn en la kampoj de ekonomio, komerco, sciencoj, tekniko kaj kulturo. Ghi estas utila al la interkompreno kaj kunlaboro de chiuj cheestantoj. La chinaj registaro kaj popolo arde deziras inviti ghin." Li daurigis: "Hodiau en Chinio la politika situacio estas stabila, la socio progresa, la ekonomio prospera. La daure disvolvighanta ekonomio donos firman financan subtenon al la ekspozicio kaj la stabila socio kreos bonan eksteran medion al ghi. La firma subteno de la china registaro estas grava garantio por ghia sukceso."

Deziro de la popolo

    "Elmontru viajn saghon kaj kreivecon al la invito!" Invito de la Monda Ekspozicio vekis grandan ehhon ne nur de la shanhaja popolo, sed ankau de la tuta china popolo. Enketo montras, ke pli ol 90% de la china popolo zorgas pri la invito.

    Wu Yi diris, ke la vasta subteno kaj aktiva partopreno estas grava kondicho por la sukceso de la ekspozicio. La 1.3 miliardoj da chinoj forte deziras, ke la Monda Ekspozicio de 2010 okazu en Shanhajo. La Shanhaja Monda Ekspozicio ghuos grandan subtenon de la publiko. Shi diris, ke se la Monda Ekspozicio okazos en Chinio, la plej granda disvolvighanta lando, tio mem estos eminenta kontribuo al la internacia ekspozicio kaj bone montros la principon de gheneraleco proponitan de la Internacia Ekspozicia Buroo.

    Kiam oni petis sloganojn kaj afishojn pri la ekspozicio, en la dauro de 2 monatoj pli ol 4 mil homoj el 25 provincoj kaj municipoj prezentis 6 mil sloganojn kaj 400 afishojn por la invito. Studentoj de Fudan-universitato faris multe da valoraj proponoj por la invito kaj 320 el ili estis alte atentataj de la urba registaro. La turnea eksponado de fotoj de la Monda Ekspozicio estas tre shatata de la universitataj instruistoj kaj studentoj. Studentaj federacioj de 8 universitatoj de Shanhajo proponis al la gejunuloj "Subtenu la Mondan Ekspozicion".

    La interreta-televida konkurso pri scioj de la Monda Ekspozicio altiris al si 600 mil rigardantojn. La konkurson partoprenis 400 kolektivoj kaj 5 mil individuoj el 14 provincoj kaj municipoj.

    18 maljunuloj el Fengxian-distrikto en 5 tagoj biciklante propagandis la inviton de la Monda Ekspozicio. Sur ilia tolo 20 metrojn longa legighas subskribo de dek miloj da homoj. Oni faris ankau konkretajn proponojn pri la urba arbarizado kaj redukto de la brua polucio kaj multaj anoncis sin por esti volontulo de la ekspozicio.

    Oni faris enketon en 50 gravaj urboj kaj la rezulto montris, ke 89.4% de la enketitoj aprobas la inviton kaj 94.4% subtenas ghin, 92.6% opinias, ke Chinio kapablas gastigi la ekspozicion kaj 78.6% kredas, ke la Monda Ekspozicio en 2010 certe estos sukcese invitita de Chinio.

Preparo de Shanhajo

    Chen Liangyu, urbestro de Shanhajo, diris en la gazetara konferenco de la 131-a sesio de la Internacia Ekspozicia Buroo, ke Shanhajo estas granda malfermita urbo kun pluraj specoj de kulturo. Ghi estas ankau fronta urbo por kultura intershangho inter Chinio kaj aliaj landoj. La rapide disvolvighanta Shanhajo donos certe bonan scenejon al la Monda Ekspozicio kun la temo "Por bela vivo en la urbo". Krom tio, Shanhajo estas ankau grava turisma loko. Li kredas, ke se Shanhajo akiros la rajton gastigi la ekspozicion, ghi estos certe multe vizitata kaj plej grandinflua en sia historio.

    Jam en la mezo de la 80-aj jaroj de la 20-a jc. la shanhaja popolo deziris inviti la ekspozicion. La tiama urba gvidanto ordonis fari necesan esploron. En la 90-aj jaroj la ekonomio de Shanhajo rapide kreskis, ghia ekonomia strukturo pli kaj pli bonighis en la reguligo, kaj multaj translandaj korporacioj kaj financaj establoj fondis sian branchon tie. Nun Shanhajo estas unu el la chinaj urboj kun rapide disvolvighanta ekonomio kaj alta nivelo de modernigo.

    Shanhajo havas ne nur idealajn hardvarojn, sed ankau bezonatajn softvarojn por la ekspozicio. Faktoj jam pruvis, ke ghi kapablas gastigi grandskalan internacian aktivadon. En la pasintaj jaroj ghi sukcese gastigis kelke da internaciaj komercaj jarkunvenoj. En 1999 sukcese okazis tie la jarkunveno de la forumo "Richajho", shanhaja kunveno de shtatestroj de kvin landoj kaj neoficialaj kunvenoj de gvidantoj de APEK, kio estas favora por Shanhajo en ghia invito de la Monda Ekspozicio en 2010.