La 27-an de septembro, china chefministro Zhu Rongji intervidighis en Parizo kun Gilles Noghes, prezidanto de la Internacia Ekspozicia Buroo kaj Vincente Gonzales Loscertales, ghia ghenerala sekretario. La chefministro diris, ke Shanhajo havas chiujn bezonatajn kondichojn por sukcese okazigi la Mondan Ekspozicion kaj la china registaro plene subtenas ghin en ghia invito de la ekspozicio de 2010.

    Chefministro Zhu diris, ke la Monda Ekspozicio estas solenejo, kie oni eksponas la plej novajn fruktojn de la monda civilizacio, kaj ghi utilas al la internacia intershangho kaj monda ekonomio. Chinio estas la plej granda disvolvighanta lando. Se Shanhajo sukcesos en la invito, la Monda Ekspozicio estos do pli influa kaj pli efike ludos la rolon de ponto inter chiuj landoj. La prezidanto kaj ghenerala sekretario de la Internacia Ekspozicia Buroo diris, ke Chinio invitas la Mondan Ekspozicion, tio havas gravan signifon por la mondo kaj la preparado de Shanhajo estas bone farata. Post esplorado la enketa grupo de la Internacia Ekspozicia Buroo opinias, ke Shanhajo estas kapabla gastigi la ekspozicion. La rapida ekonomia disvolvigho kaj socia stabileco estas garantio por la sukcesa invito. La Internacia Ekspozicia Buroo alte taksas la plenan subtenon de la china registaro al Shanhajo en ghia invito.