En la 25-a de marto la china prezidanto Hu Jintao renkontighis kun la pakistana chefministro Mir Zafarullah Khan Jamali kaj diris, ke Chinio alvokas la koncernajn landojn kiel eble plej baldau chesigi la militajn agadojn kontrau Irako kaj reveni al la ghusta vojo por politike solvi la irakan problemon.

Hu Jintao diris, ke Chinio daurigos la komencitan humanisman helpon al la iraka popolo.

Hu diris, ke Chinio chiam persistas en la starpunkto politike solvi la irakan problemon kadre de UN kaj senlace klopodis por tio. Sed bedaurinde eksplodis la milito. Chinio maltrankvilas pro la homrajta katastrofo kauzita de la milito kaj ghia influo sur la paco, stabileco kaj disvolvigho de la regiono kaj la mondo. Oponi kontrau milito kaj defendi pacon estas komuna deziro de la popoloj de la tuta mondo.

Jamali laudis la starpunkton de Chinio rilate la irakan problemon. Li diris, ke la pakistana popolo amas pacon kaj pledas por solvo de internacia konflikto per dialogo.

Ni tre shatus vian sugeston, klaku kaj donu vian vochon!