La 27-an de marto, s-ro Wang Yingfan, konstanta delegito de Chinio en UN, alvokis, ke Usono kaj Britio tuj chesigu sian militan agadon kontrau Irako kaj reiru sur la ghustan vojon solvi la irakan problemon per politikaj rimedoj.

Wang diris, ke spite oponon de multaj landoj Usono kaj Britio lanchis militan agadon kontrau Irako sen permeso de la Konsilio de Sekureco de UN. Per tio ili malobservis la Charton de UN kaj la fundamentajn principojn de la internaciaj leghoj. La milito kauzis morton kaj vundon de multege da irakaj civitanoj kaj ruinigis grandan kvanton da richajhoj kaj certe alportos homrajtan katastrofon, malutilan al la regiona kaj tutmonda sekureco, stabileco kaj disvolvigho. Chinio forte maltrankvilas pri tio.

Li emfazis, ke oponi kontrau milito kaj defendi pacon estas komuna volo de la popoloj de la tuta mondo. La china registaro dedichas sian energion al defendo de la mondpaco kaj stabileco kaj firme staras por solvi internaciajn konfliktojn per politikaj rimedoj kaj malaprobas militan agadon kaj chantaghon per militaj fortoj. La china registaro chiam pledas por solvo de la iraka problemo per politikaj rimedoj kadre de UN. Ghi postulas, ke la iraka registaro fidele kaj komplete plenumu la koncernajn rezoluciojn de UN, kaj opinias, ke la suvereneco kaj teritoria integreco devas esti respektataj de la internacia socio.

Li diris, ke la Konsilio de Sekureco de UN estas respondecanta pri defendo de la mondpaco kaj sekureco. La china registaro aprobas kaj subtenas, ke la konsilio ludu gravan rolon en la iraka problemo. Nun surbaze de la propono de Annan, ghenerala sekretario de UN, la konsilio preparis rezolucion pri intershangho de petrolo kontrau manghajhoj. La china delegacio aktive partoprenis la diskutadon.

Li diris ankau, ke la china registaro jam transportis humanismajn materialojn al Jordanio por helpi la irakan popolon. Chinio daure donos al Irako humanisman helpon lau sia kapablo.

Ni tre shatus vian sugeston, klaku kaj donu vian vochon!