La
28-an de marto, la Konsilio de Sekureco de UN post balotado aprobis
la rezolucion n-ro 1472 kaj decidis reguligi kaj denove plenumi
la planon pri intershangho de oleo kontrau manghajhoj kaj rajtigis
Kofi Annan, gheneralan sekretarion de UN, portempe administri plenumon
de tiu humanisma plano por kontentigi la urghan bezonon de Irako.
La rezolucio diras, ke pro la eksterordinara cirkonstanco
de Irako estas necese fari portempan kaj teknikan reguligon de la
plano pri intershangho de oleo kontrau manghajhoj por garantii realighon
de la kontrakto subskribita de la iraka registaro pri importo de
humanismaj materialoj. La rezolucio difinas, ke Kofi Annan praktiku
tiun planon en la venontaj 45 tagoj kaj la Konsilio de Sekureco
de UN rajtas plilongigi tiun sankcion lau kondichoj.
Lau la rezolucio Kofi Annan havas rajton decidi lokon
por stoki la humanismajn materialojn interne de Irako, fari refojan
takson de la kontrakto pri importo de humanismaj materialoj kaj
dispono de la enspezo de oleo de Irako en la konto de UN. La rezolucio
montras ankau, ke la Konsilio de Sekureco de UN rajtigos Kofi Annan
fari kunordigon kun la irakaj autoritatoj, post kiam la plano estos
plenumita.
La rezolucio postulas, ke la Komisiono pri Punado sub
la Konsilio de Sekureco de UN faru dauran kontrolon pri plenumado
de la plano kaj Kofi Annan ghustatempe informu la komisionon antau
ol li alprenos rimedon de humanisma helpo.
La rezolucio postulas, ke la du flankoj konfliktantaj
en Irako observu la koncernajn difinojn de la internacia legho,
permesu al la internaciaj humanismaj organizoj fari humanisman helpadon
en la lokoj, regataj de ili ambau kaj garantiu ilian sekurecon kaj
liberecon.
La rezolucio refoje asertas, ke la iraka popolo havas
rajton decidi la politikan estontecon de sia lando kaj disponi siajn
naturajn richfontojn kaj la internacia socio devas respekti tion.
Ni tre
shatus vian sugeston, klaku kaj donu vian vochon!
|