Jam forpasis pli ol unu jaro de la 10-a de novembro, 2001, kiam la konferenco en Dohao aprobis la "Decidon por membrigi Chinion al la Monda Komerca Organizo (MKO)". Lau promesoj che sia membrigho al MKO, Chinio multe mallevis sian doganon kaj malpliigis diversajn nedoganajn rimedojn. Krom tio Chinio plirapidigis siajn pashojn de pordmalfermo en servado, intensigis la protektadon de sia proprieto de intelekto kaj serioze plenumas siajn devojn pri anoncado al kaj konsultigho pri MKO.

    Char Chinio promesis observi la regulojn, plue malfermi sian merkaton, tial ghia pordmalfermo eniris en novan etapon. En la unua duonjaro de 2002 ghiaj importo kaj eksporto ambau rapide kreskis.

Por esti konforma al la internacia ekonomia medio

    Por konformighi al la internacia ekonomia medio post membrigho de Chinio al MKO la china registaro kaj la china popolo faris multe en la pasintaj 12 monatoj.

    Februare de 2002 Chinio plirapidigis siajn pashojn survoje de reformado de administra sistemo, alprenis serion da rimedoj por reformi la administran ekzamenon kaj sankcion kaj intensigis trejnadon de shtatoficistoj kaj plirapidigis siajn pashojn por shanghi la registarajn funkciojn.

    Samtempe kun tio Chinio komencis utiligi la rajtojn de la membroj de MKO en protekto de siaj propraj interesoj. Lau la reguloj kaj difinoj de MKO Chinio bone solvis konflikton en sia eksterakomerca laboro, inkl. de kontraudumpingo en importo kaj eksporto, garantiaj rimedoj kaj teknikaj barieroj. Per koncerna sistemo de MKO Chinio solvis komercan malakordon kun shtala protektado n-ro 201 de Usono. Chinio aktive partoprenis en jughado de la komercaj politikoj kune kun aliaj membroj de MKO, faris duflankan intertraktadon kun aliaj landoj pri ilia membrigho al MKO kaj pere de plurflanka traktado akcelis solvon de la problemoj koncernantaj la ekonomi-komercajn interrilatojn.

    Chinio aktive partoprenis novan plurflankan komercan intertraktadon. Ghi sendis pli ol 20 grupojn unu post alia al Ghenevo por intertraktado kaj prezentis proponojn en la chefaj temoj pri varoj, servo, proprieto de intelekto kaj agrikulturo kaj ghustatempe montris siajn vidpunkton kaj starpunkton en la nova intertraktado kaj ricevis subtenon de disvolvighantaj landoj.

    Septembre de 2002 ekfunkciis la Reto de la China Ministerio de Ekstera Komerco kaj Ekonomia Kunlaboro por Konsultigho pri la Monda Komerca Organizo ". Ghi estas la unika registara retstacio de Chinio pri aferoj de MKO. La informoj de tiu retstacio estas grandkvantaj, autoritataj kaj ghustaj. Ghia ekfunkcio estas ankau aktiva rimedo alprenita de la china registaro lau promeso che membrigho de Chinio al MKO. Kiel grava fenestro por konsultigho pri MKO ghi ludas gravan rolon por popularigi la sciojn kaj regulojn pri MKO, levi la travideblecon de la eksterakomercaj politikoj de Chinio kaj faciligi al la entreprenoj kaj individuoj studi kaj informighi pri la ekonomi-komercaj politikoj.

    Dank' al tio, ke la china registaro alprenis multe da efikaj rimedoj, post sia membrigho al MKO Chinio pli larghe malfermis sian merkaton de agrikulturo, servo kaj automobiloj kaj ghia ghenerala servado iris bone. Chinio bonorde pushis sian pordmalfermon en la kampoj de financo, asekuro, telekomuniko, biloj, materia intershangho kaj aliaj servaj komercoj, kio multe akcelis la reformadon kaj disovolvighon de tiuj aferoj. Nun la reorganizado de automobila industrio kaj teknika promociigho evidente plirapidighis. Pluraj chinaj automobilaj entreprenoj kunlaboras kun alilandaj kolegoj, kaj multe profitis en tio kaj la chinaj kaj alilandaj automobilaj entreprenoj. Post reorganizado de la china aviada kompanio naskighis tri grandaj aviadaj kompanioj (grupoj), dum la telekomunikaj entreprenoj plifortigis sian kapablon en konkurenco.

Plenumo de la promesoj

    S-ro Shi Guangsheng, ministro de ekstera komerco kaj ekonomia kunlaboro de Chinio, diris en Dohao, kiam li subskribis protokolon en la nomo de la china registaro, ke Chinio faris longatempan penadon por membrighi al MKO, kio montris la firman decidon kaj neshangheblan volon de Chinio por profundigi la reformadon kaj pordmalfermon. Post sia membrigho al MKO, surbaze de ekvilibrigo de la rajtoj kaj devoj Chinio ghuos siajn rajtojn kaj observos la regulojn de MKO kaj plenumos siajn promesojn.

    La 17-an de septembro, 2002, la Konsilio por Proprieto de Intelekto sub MKO faris ekzamenon al Chinio pri ghia observado de la "Interkonsento pri proprieto de intelekto" koncerne komercadon" kaj ghia plenumo de ghiaj promesoj. Post la ekzameno ghi donis altan takson. Antau la ekzameno Chinio prezentis al MKO raporton pri 14 leghoj kaj reguloj pri proprieto de intelekto de Chinio kaj respondis 101 demandojn faritajn de Usono, Europa Unio, Japanio, Australio kaj aliaj membroj de MKO. MKO aprobis la fruktojn de Chinio en la kampo de proprieto de intelekto kaj precipe laudis ghian plenumon de la promesoj che ghia membrigho al MKO.

    En la pasinta jaro Chinio mallevis importan doganon de 5300 specoj da varoj kaj la dogano mallevighis de 15% al 12%. Ghi nuligis administradon de porcio, licenco kaj speciala adjudiko de greno, shaflano, kotono, kemia sterko kaj aliaj 4 varoj.

    Lau sia promeso Chinio jam reviziis kaj nuligis serion da leghoj kaj reguloj malakordaj al la difinoj de MKO kaj publikigis serion da novaj leghoj kaj reguloj kaj dank' al tio iom post iom eksvalidighis la administra monopolo. En telekomuniko, aviado, elektroprovizo kaj aliaj kampoj aperis konkurenco. Pere de la imposta reformado unuighis la imposta sistemo de chinaj kaj alilandaj entreprenoj kaj nulighis la alta pagigo al eksterlandanoj en acheto de biletoj de aviadilo, trajno kaj shipo, eniraj biletoj kaj publikaj instalajhoj.

    Chinio plene reviziis la leghojn pri patento, marko kaj autorrajto kaj reguloj pri protektado de skemo de integra cirkvito. Plenumante la promeson, por ke la chinaj leghoj estu akordaj al la reguloj de MKO, Chinio bonordigis kaj reviziis leghojn kaj regulojn pri ekstera ekonomio. La 30 departementoj de la Shtata Konsilio bonordigis 2300 koncernajn leghojn, eksvalidigis 830 kaj reviziis 325 leghojn. Ankau la diversaj lokoj faris similan laboron lau postulo de la centra registaro de Chinio.

Pluapasha malfermo de la merkato

    S-ro Shi Guangsheng opinias, ke pro bona laboro sur diversaj kampoj en la pasinta jaro la komerca situacio farighis stabila post membrigho de Chinio al MKO, tamen la influo de MKO al la china ekonomio estas longatempa kaj pro tio oni devas fari longatempan laboradon. Bona komenco estas duono de la sukceso. Nun Chinio jam eniris en la duan jaron post sia membrigho al MKO kaj por shanghi la defion en bonan shancon ghi devas fari bone chiun sian pashon.

    En telekomunikado Chinio faris pli grandan pashon ol en la pasinta jaro koncerne pordmalfermon de poshtelefonado kaj ordinara telefonado. Kaj nun en Chinio 14 urboj estis malfermitaj tiusfere, sed en 2001 estis nur 3 tiaj urboj, dume la procentajho de la eksterlandanaj akcioj levighis de malpli ol 25% al malpli ol 35%.

    Koncerne bankojn, la China Popola Banko antau nelonge publikigis, ke ekde la unua de decembro, 2002, alilandaj financaj establoj rajtas entrepreni operaciojn de Renminbi en Kantono, Zhuhai, Qingdao, Nankino kaj Wuhan. La kvar plej grandaj chinaj bankoj malfermis sian pordon al eksterlandaj kapitaloj.

    Chinio decidis malfermi la asekuran entreprenadon en 3 jaroj. Nun la china registaro sankciis 34 eksterlandajn asekurajn establojn funkcii au prepari laboron en china merkato. Ili ekfunkcios en la venontaj du jaroj.

    La entreprenoj investitaj de Chinio kaj eksterlandanoj, kiuj posedas nur malgrandan parton de la akcioj, nun rajtas mem importi kaj eksporti.

    Turisma servo estas industrio tre rapide kreskanta. Nun en Chinio estas 11 turismaj servoj investitaj de Chinio kaj eksterlandanoj. En la estonteco china turismo malfermos pli larghe sian pordon al eksterlandanoj kaj permesos al alilandanoj mem fondi turismajn establojn.