La
5-an de marto, chefministro de Chinio Zhu Rongji faris raporton
pri la registara laboro kaj en ghi li konigis la aranghon pri tio,
kiel la china registaro konformigos sin al la nova situacio post
sia membrigho al la Monda Komerca Organizo (MKO) kaj komplete levos
sian nivelon pri pordmalfermo. Li diris, ke la registaro devas plirapidigi
reformadon de siaj funkcioj. Membroj de la China Popola Politika
Interkonsiligha Konferenco (ChPPIK) montris siajn opiniojn pri tio.
Gui
Shiyong, konstanta komitatano de ChPPIK, diris, ke post membrigho
de Chinio al MKO oni faros novan postulon al la registaro pri administrado
de la ekonomio. La registaro kaj entreprenoj estas du chefaj fortoj
de la membrigho de Chinio al MKO, tamen chi-flanke promeson faru
la registaro, sed ne la entreprenoj. El la 492 paghoj de la 23 kontraktoj
de MKO nur 2 klauzoj rilatas al la entreprenoj, dum la ceteraj sole
al la registaro kaj precipe al la leghodonado kaj decido de la registaro.
Lau reguloj de MKO la registaro devas plirapidigi la transformadon
de siaj funkcioj kaj fari renovigon de la administrado.
Gao
Shangquan, prezidanto de la Sistem-rekonstrua Instituto, diris,
ke antaue la registaro havis senlimajn rajtojn, sed nun ghi devas
limigi ilin; antaue ghi faris administradon rektan, sed nun peran,
por krei bonan etoson konforman al la internacia situacio.
Li
Yining, fama china ekonomikisto, figure diris: Se oni metos sablon,
gruzjon kaj cementon en miksilon kune kaj ekfunkciigos la miksilon,
ju pli longe oni kirlos ilin, des pli bona farighos la miksajho;
la merkato ja similas al grandega miksilo. La richfontoj farighas
pli kaj pli harmoniaj kaj raciaj en senhalta miksado. La miksilo
bezonas administradon por flegado kaj riparado kaj iafoje ankau
minimuma reguligo, kiu tamen ne povas anstataui la miksilon. Ja
estos sama la registaro, kiu ne povas senpere aranghi la richfontojn
anstatau la merkato. Sub la planizita ekonomio la registaro rekte
intervenis en la administradon de la entreprenoj per diversaj sistemoj
de ekzamenado, sed nun ghi devas shanghi la sistemon pri administra
ekzamenado kaj sin retiri el kampoj, kiujn ghi ne devas au ne kapablas
regi.
S-ro
Xu Gengsheng de la China Akademio de Sciencoj diris, ke post sia
membrigho al MKO la registaro ludas chefe tri rolojn, t.e. ellabori
planon pri ekonomia kaj socia disvolvigho kaj garantii ghian plenumadon
per ekonomiaj rimedoj; liveri al la socio publikajn produktajhojn
kaj pliigi sian investon al edukado, sciencoj kaj tekniko; ellabori
diversajn leghojn kaj regulojn por teni la socian ekonomion en bona
ordo. Efektive, post membrigho de Chinio al MKO la shargho de la
registaro farighos pli peza.
|