Post sia membrigho al la Monda Komerca Organizo (MKO) Chinio farighis lando renkontanta plej multe da procesoj de kontraudumpingo, t.e. ch. 500 procesojn el 30 landoj kaj regionoj, kiuj tushas la chinan eksportan valoron de pli ol 10 miliardoj da usonaj dolaroj.

    Nun la totala volaro de eksporto de Chinio konsistigas 4% de tiu de la mondo, sed la kontraudumpingaj procesoj kontrau Chinio konsistigas 14% de la totala nombro de kontraudumpingaj procesoj de la mondo kaj tushas pli ol 4000 produktojn, inkl. mineralajn, kemiajn, malpez-industriajn, tekstilajn, brutajn, mekanikajn, elektrajn kaj medicinajn. Rilate la kontraudumpingon Chinio konis jenajn kauzojn: 1. troamasigho de strukturo de eksportajhoj; 2. maligna konkurenco de eksportaj entreprenoj pri vendo je malalta prezo; 3. komerca konflikto pro shanghigho de industrio; 4. manko de forto de rebato al komerca protektismo de aliaj landoj. En la venontaj 15 jaroj MKO ankorau rigardos Chinion kiel nemerkat-ekonomian landon. Chinio renkontos pli da procesoj de kontraudumpingo.