Celebre la 50-jaran jubileon de la paca liberigo de Tibeto, la Centra Popola Registaro de Chinio donacis al la Tibeta Autonoma Regiono la ding-on "Nacia Solidareco". Jiang Zemin, prezidanto de Chinio, surskribis la nomon de la ding-o kaj Hu Jintao, ghia vicprezidanto, delevis tukon de la ding-o.

    La ding-o notis la 50-jaran historion de Tibeto kaj montris la sinceran prizorgon de la Centra Registaro al la diversnaciaj popolanoj de Tibeto. Ghia ghenerala projekto montris la longan historion kaj brilan kulturon de la china nacio, nacian solidarecon kaj socian progreson. La ding-o konsistas el 3 partoj: La supra estas granda ujo kun tri piedoj kun du ansoj. Sur la meza estas gravurita surskribo de Jiang Zemin kaj noto fare de la centra registaro. Sur la 6 reliefoj vidighas historiaj bildoj pri la demokratia reformado, malfermo de la Sichuan-Tibeta Shoseo k.a. post la paca liberigo de Tibeto. Tie vidighas tradiciaj tibet-naciaj pentrajhoj, aludantaj richan rikolton kaj socian prosperon. Tie vidighas ankau 56 drakoj, kiuj emblemas grandan unuighon de la 56 nacioj en la granda socialisma familio de Chinio kaj ilian penadon por la nacia prosperigho. Sur la baza soklo estas tri-tavola teraso, 21 shtupoj kaj 5 lanternoj, kiuj aludas tri jarmilojn, 21-an jarcenton kaj 50 jarojn post la paca liberigo de Tibeto.

    La ceremonio de delevo de tuko de la ding-on okazis posttagmeze de la 18-a de julio sur la Placo de la Popola Halo en Lhasa.