Mi
loghis en Zongcun-vilagho de Qumei-subgubernio de Xigaze de
Tibeto. Mi nomighas Duola, 35-jara. Nun mi estas la ghenerala
direktoro de Zhufeng-kompanio (limigita) de Agrikulturaj Mashinoj
de Xigaze de Tibeto. Nun mia kompanio havas 5 milionojn da
juanoj kiel kapitalon, kaj ekde 1995 chiujare mia kompanio
komercis je dek milionoj da juanoj. Mia kompanio estas entrepreno
donanta al la shtato chiujare plej multan imposton en Xigaze.
Mia
patro estas charpentisto ghuanta ne grandan nek malgrandan
famon en Tibeto. Liaj verkoj trovighas en multaj temploj inkluzive
de la fama Zhashilunbu. Mi havas 5 pliaghajn fratojn kaj mia
patro esperis, ke mi heredos lian metion. Sed mi havis pli
grandan intereson pri transportado kaj tio chagrenis lin.
Sed li estas prudenta homo kaj ne devigis min heredi lian
profesion. En 1980 li achetis por mi minitraktoron kaj de
tio komencighis mia kariero de transportado.
Per
mia minitraktoro mi atingis multajn lokojn malvarmegajn kaj
altegajn. Tie mi transportadis shtonojn kaj sablon por konstruejoj.
Mi vivis 2 malfacilajn jarojn kaj hardis min, ke mi povas
elteni diversajn malfacilojn en la vivo kaj kariero.
En
1982 mi prunteprenis monon de banko kaj achetis malnovan kamionon.
Mi iris pli malproksimen kaj gajnis pli multe da mono. Post
3 jaroj mi achetis novan kamionon kaj povis fari komercadon
de agrikulturaj mashinoj.
En
1993 mi fondis sur Jijilangka-strato de Xigaze butikon de
akcesorajhoj de agrikulturaj mashinoj. Mi vendis je malalta
profito kaj respondecis pri la kvalito de la vendajhoj. Dank'
al tio prosperis mia komerco. Post unu jaro mi fondis Zhufeng-kompanion
(limigitan) de Agrikulturaj Mashinoj de Xigaze de Tibeto.
Nun la kompanio havas pli ol 30 dungitojn kaj 5 filiojn en
Tibeto.
Mi
vojaghis al multaj lokoj kaj plej ofte al Pekino, Shanhajo,
Kantono kaj aliaj grandaj urboj. Mi ne nur starigis bonajn
interrilatojn kun la liverantoj de la komercajhoj, sed ankau
larghigis mian vidkampon. Mastroj de multaj fabrikoj de agrikulturaj
mashinoj estas miaj bonaj amikoj kaj negoco inter ni iras
glate. Kompreneble mi laueble kontentigas ilian bezonon.
Disvolvigho
de urboj de la landinterno mirigis min. Tibeto ja havis progreson,
sed ankorau estas granda distanco inter Tibeto kaj aliaj lokoj
de la lando. Nun bona shanco trafis Tibeton, ke la Centra
Registaro favoras Tibeton kaj multaj provincoj kaj grandaj
urboj helpas Tibeton en diversaj kampoj. Ni tibetanoj devas
labori pli bone. Mi engaghis instruiston, ke li instruu al
mi la han-nacian lingvon kaj sciojn de sciencoj kaj teknologio.
Profitogajno
ne estas sola celo en mia vivo. Mi volas, ke mia komercado
donu bonon al la tibetanoj, al la kamparanoj de mia hejmloko.
Mi estis tre ghoja, kiam mi audis, ke kamparanoj kaj pashtistoj
gajnis monon en transportado pere de traktoroj achetitaj che
mi. Mi sentis saman felichon, kvazau mi mem gajnus monon.
|