Kruela triba vivo

    En Tibeto oni nomas loghantojn en suda Luoyu-regiono de la Tibeta Altebenajho loba-oj, kiuj havas sian lingvon sed ne ideogramojn. La socio de loba-oj progresis malrapide kaj ili estis ofte molestataj de aliaj nacioj.

    En la historio la loba-oj havis 8 tribojn, kiuj ofte interbatalis. Jam de sia infanagho Dongniang kutimis al tiaj bataloj kaj, 14-jara, li ekvivis sendepende. Li iom post iom farighis bona chasisto kaj batalanto kontrau aliaj triboj. Same kiel aliaj loba-oj, li vivtenis sin per kulturado de maizo, rizo kaj aliaj grenoj, hakado de arboj kaj kapto de bestoj. Li ankau faris negocon pri gala veziko de urso, mosko kaj felo. En la negoco loba-oj kalkulis per shnur-nodoj.

    En la patriarka socio la produktado estis malforta kaj vivmaniero postighinta. Sen rimedoj kontrau katastrofo la loba-oj metis sian esperon sur sorchiston. Chiu familio devis buchi pli ol 200 kokojn jare kaj la sorchisto rigardis vejnon de koka hepato por antauscii la estontecon. Tamen tio ne evitigis katastrofon. Kiam Dongniang estis 17-jara, liaj gepatroj mortis pro epidemio kaj estis forbruligitaj kun la domo.

    Sed plej teruris vengha mortigo inter triboj. Ghi okazis pro konflikto de edzeco, shuldo, shtelo kaj malsano. Dongniang spertis sennombrajn batalojn kaj faris al si prestighon kaj ankau malamikojn.

    En nokto de frosta vintro en 1938 Dongniang estis fleganta la akushintan edzinon kaj jhus naskitan bebon, kaj lia pliagha filo ludis en la hejmo. Tiam ekstere de la domo 37 malamikoj el 3 triboj surprizatakis lian vilaghon. En la batalo li pafmortigis unu el la triestroj, sed lia pliagha filo estis mortigita kaj la domo forbruligita.

    En la sekvantaj jaroj kreskis venghemo. Li kun siaj familianoj kaj 50 samvilaghaj familioj devigite transloghighis al Nanyigou, kie la biensinjoroj molestis ilin. Por protekti siajn laborajn fruktojn ili starigis Nanyi-tribon kaj Dongniang farighis ghia estro. Li ne nur organizis reziston kontrau malamikoj, sed ankau prezidis ceremonion bonvenigi la montodion. Tiam la tribanoj devis pagi impostojn al la registaro de Tibeto, foje ili ech estis batitaj de sklavposedanto pro prokrasto de impostoj.

Loba-oj en la nova socio

    En 1960 Dongniang kaj liaj tribanoj komencis novan vivon. Nanyigou praktikis demokratian reformadon kaj la loba-oj akiris parcelojn, brutojn kaj ferajn laborilojn. La familio de Dongniang akiris 33 bovojn, pli ol 70 shafojn kaj 5 chevalojn. Kaj Dongniang estis elektita kiel membro de la Popola Politika Interkonsiligha Konferenco de la gubernio.

    Antau 40 jaroj iuj el la lokanoj forkuris al aliaj landoj pro influo de kalumnio al la china registaro. Sed Dongniang kaj liaj tribanoj jhuris daurigi sian loghon che la rivero de Nanyigou kaj kredi sian registaron. Nun li ankorau kontentas pri sia tiama decido.

    Modernaj loba-oj jam adiauis la primitivan vivon kaj ekkulturis teron. Subtenate de sciencistoj ili progresigis sian terkulturon. En la pasintaj 20 jaroj, dank'al pli ol 1.2 milionoj da juanoj investitaj de la registaro, ili chiuflanke disvolvis terkulturon. En Nanyigou-vilagho oni havas grandan kaj helan domon anstatau malnova kaj simpla pajloshedo. 97% de la geknaboj jam ricevis edukon kaj multe da lernantoj estas senditaj al diversaj lokoj de Chinio por daurigi la lernadon.

    Kiel plej agha maljunulo en Loba-nacio, Dongniang vizitis Pekinon, Shanhajon, Kantonon, Tianjin kaj Jiangsu. Inspirate de grandaj shanghoj kaj sperto de tiuj lokoj, en la pasintaj 20 jaroj li prezentis proponojn konstrui en sia regiono 2 novajn vilaghojn, kaj arbaran rezervejon kaj praktiki edukan reformadon de Loba-nacio. Chiuj tiuj proponoj jam realighis.

    Nun multe da loba-oj de Nanyigou eliris el la vilagho. La filino de Dongniang farighis kuracistino en popola hospitalo de Nyingchi post diplomigho de la Nankina Medicina Instituto. Lia nepino farighis aktorino en la Tibeta Kanta kaj Danca Trupo kaj turneis en pli ol 20 landoj kaj regionoj. Liaj 5 gefiloj kulturas teron en Nanyigou kaj vivas riche.