Jiadeng Luorongxiangba, viva budho de la Flava Sekto de lamaismo, estas kuracata en Pekino, sed lia penso estas okupata de zorgo pri lia lernejo en Garze de Sichuan-provinco.
En 1994 la viva budho proprapage fondis la lernejon en sia hejmloko Garze. Por tio li elspezis siajn proprajn 40 mil juanojn (8.27 juanoj egalas al 1 usona dolaro) kaj prunteprenis de siaj amikoj 40 mil juanojn. Kiam la novajho pri fondo de lernejo disflugis en la regiono, kamparanoj venis donaci monon kaj iuj malrichaj familioj donacis manghajhojn kaj salon.
    La nombro de la lernantoj kressis de 138 ghis 222. En la lernejo oni instruas la tibetan lingvon, matematikon, anglan lingvon, tibetan medicinon kaj han-lingvo.
    "Instrui han-lingvon en nia lernejo chiam estas problemo. Tial ni urghe bezonas spertan instruiston, kiu povos progresigi niajn infanojn en han-lingvo.
    "Tio certe helpos niajn infanojn larghigi sian vidkampon. Sed la vivkondichoj de nia loko estas tre malfacilaj kaj mi ne povos pagi multe por la instruisto. Tial mi preferus trovi emeritan instruiston, kiu volontos helpi nin. Estos pli bone, se li au shi povos labori pli longan tempon."
    Por daurigi la funkciadon de la lernejo kaj kovri la shuldojn kiujn li faris por vivteni la lernantojn, la viva budho ech vendis sian chevalon kaj faris komercon en la chirkauajho de sia urbo.
    Tri tagojn post kiam lia deziro estis raportata, oni jam donacis 13 mil juanojn. Multaj instruistoj telefonis al li por esprimi la intencon labori en Garze.
    "Se estas ebleco, mi povas mem pagi mian vojaghon kaj neniun groshon postulos pro mia instruado al tiuj tibet-naciaj infanoj," diris Dong Yuan, emerita instruisto, kiu instruis pli ol 30 jarojn.
    Liang Yue, 27-jara, donacis mil juanojn kaj diris: "Tiu sumo estas esprimo de la bondeziroj de nia familio. Ni volontas helpi tiujn infanojn laueble."