Danzeng
Wangdui, kiu migris 22 jarojn eksterlande, revenis al la hejlando
en 1982 kaj nun loghas en la Kvara Vilagho de Gyaca-gubernio
de Tibeto. Lia familio havas 9 membrojn. En l960 li fughis
en Hindion kaj tie li pene laboris kiel pashtisto kaj kulio.
Li pensis, ke li povos vivteni la familion havante fortikan
korpon. Sed ekster lia atendo, lia deziro ne realighis. En
1982 li revenis hejmlanden kune kun la familio, kunportante
nur simplajn litajhojn kaj ankau la vunditan koron. La loka
registaro konstruis por lia familio novan domon kaj donis
al li agrojn, necesajn produktorimedojn kaj chiutagajn bezonajhojn.
Li diris kun dankemo: "La patrolando estas plej intima
por mi."
En
1984 li vizitis multajn lokojn de Tibeto estante membro de
vizitgrupo de revenintaj elmigrintoj. Li estis emociita de
la granda shanghigho de Tibeto. Post 1988 li laboris kiel
vicestro kaj poste estro de la vilagho. Lia vilagho estas
tre malproksima kaj izolita, kaj la vilaghanoj loghas tre
dise. La trafiko estis malfacila, kaj montoj kaj valoj malhelpis
interkomunikadon de la vilagho kun la ekstera mondo. Oni transportas
per homoj kaj brutoj. Antau
1985 en la vilagho estis nur 300 homoj kaj 70% de ili vivtenis
sin per greno liverata de la registaro. Por shanghi la malrichan
staton estis multe da malfaciloj. Sed li estis malcedema al
la malfaciloj. En malpli ol 2 jaroj post sia enoficigho, li
kaj liaj samvilaghanoj fosis kanalon en longo de pli ol 20
kilometroj por solvi la problemon de irigaciado de pli ol
duono de la agroj de la vilagho. En vintro li kaj liaj samvilaghanoj
kune kolektadis sterkon por plibonigi la konsiston de la agroj.
La longtempan penadon de la vilaghanoj rekompencis richa rikolto
en 3 sinsekvaj jaroj.
Kiam
plibonighis la vivo de la vilaghanoj, Danzeng Wangdui turnis
sian atenton al edukado kaj altigo de la kultura nivelo de
la vilaghanoj. Li prezidis konstruadon de elementa lernejo
en la vilagho, ke chiuj lernoaghaj infanoj vizitu la lernejon.
Li ofte diris, ke la plej grava tasko de kadroj estas proparoli
por la popolanoj kaj servi al ili. Kion li diras, tion li
praktikas. La samvilaghanoj laudas, ke li estas bona vilaghestro.
|