Gesang
Dawa famighis pro tio, ke 4 el liaj infanoj estis studentoj.
Gesang
estas arbaristo en Yadong-gubernio de Xigaze de Tibeto. Li
havas 5 infanojn kaj vivtenis la familion per sia malalta
salajro kaj la enspezo de la terkulturado prizorgata de la
edzino. Sed Gesang diris: "Malgrau granda malfacilo,
mi volonte elspezis por ilia studado, por ke ili farighu kleraj
kaj utilaj por la shtato."
Li
devis pagi pli kaj pli multe por la lernado de la infanoj.
Komprenema, lia unua filino Solang Puchi kashe chesis lerni,
kiam shi lernis en la dua klaso de mezlernejo, kaj eklaboris
por helpi la gepatrojn.
Lia
tria filino Yangzong diris: "Kiam mi kaj mia dua fratino
Ciren estis diplomitaj el supera mezlernejo, ni intencis imiti
la unuan fratinon, por lerni en kolegio por pli frue diplomighi.
Sed la gepatroj ne konsentis." En 1986 Ciren kaj Yangzong
eniris en universitaton. Du jarojn post tio ilia frato Qiongda
eniris en la Tibetan Universitaton.
Kvankam
tiam oni ne bezonis pagi lernokotizon por universitata lernado,
tamen la familio ankorau estis peze sharghita de la pago por
ilia vivo en la universitatoj kaj por ilia vojagho al la universitatoj.
En 6 jaroj de ilia studado la geedzoj Gesang pagis chirkau
60 mil juanojn kaj granda parto de la mono estis prunteprenita.
Kiam la infanoj reiris al la universitatoj post ferioj, la
geedzoj komencis ege shpareman vivon por kovri la shuldon.
Oni
admonis Gesang, ke unu el liaj infanoj chesu studi kaj havu
laboron, kaj la gubernia registaro jam promesis enoficigi
la infanon, sed Gesang fordankis. Li diris: "Dufoje mi
jam venis al la enirejo de la oficeja domo de la gubernia
registaro, sed mi haltis. Mi domaghus, se la infano chesigus
la studon."
Chiuj
4 infanoj jam diplomighis el universitatoj kaj havas kontentigan
oficon. Ili tre amas kaj respektas la gepatrojn. Qiongda achetis
lavmashinon por la familio per sia unuamonata salajro, kaj
ankau Yangzong kaj Ciren sedas monon hejmen por subteni la
studantan fratineton.
Gesang
tre akcentas virton kaj deontologion de la infanoj. Li ofte
atentigas la infanojn, ke ili bone laboru por ne vanigi la
kulturadon kaj edukadon de la shtato.
|