Donacado de hada estas grava etiketo en Tibeto.

    En geedzigha kaj funebra ceremonioj, festo, bonvenigo de gastoj kaj Budho-vizito en Tibeto oni kutimas donaci hada, kio montras sincerecon, lojalecon kaj respekton.

    Pri la apero de hada estas du rakontoj. En Han-dinastio (206 a.K.- 24 p.K.) Zhang Qian, delegito de la kortego, preterpasis Tibeton dum vizito al la Okcidenta Regiono kaj donacis silkajhon de Han-nacio al estro de loka tribo, pro tio la tribo opiniis, ke silkajho simbolas puran amikecon kaj gratulon, kaj heredis la etiketon. La alia rakonto diras, ke Basiba, regho de antikva Tibeto, kunportis silkajhon al Tibeto, vizitinte Kublajon, reghon de Yuan-dinastio (1206-1368). Tiam la silkajho surhavis desegnon de la Granda Muro kaj ideografiajhojn signifantajn bonauguron kaj felichon. Iuj opiniis ankau, ke hada estas rubando de feino.

    Nun hada estas farita chefe el silko kiel antaue. La plej bona silkajho surhavas kashitajn bonaugurajn desegnojn de lotuso, botelo, ombrelo au bukceno. La longeco de hada estas 1- 6 metroj. Tibetanoj opinias ke blanko simbolas purecon kaj bonan auguron. Estas ankau diverskolora Hada, kiu estas donacita al bodisatvo.

    Dum prezentado de hada tibetanoj ghenerale levas ghin per ambau manoj ghis la alteco de shultro al rivevanto, kio montras plej grandan respekton kaj benon, kaj la rivevanto devas ghentile akcepti ghin per ambau manoj. Se oni volas donaci hada al pliaghulo, oni devas levi ambau manojn super la kapon kaj metas hada antau la sidlokon au piedojn de la pliaghulo. Se oni volas donaci hada al subulo au samaghulo, oni povas meti ghin sur ties nukon.

    En malsamaj okazoj hada havas malsamajn signifojn. En festo oni interdonacas hada por montri benon. En geedzigha ceremonio hada signifas amon. En bonveniga ceremonio ghi signifas piecon. En funebra ceremonio ghi esprimas malghojan senton al mortinto kaj kondolencon al ties familianoj.