Cayu estas subgubernio sub Himalajo kaj la tieaj Tibet-nacianoj sin vivtenis per primitiva kultivado ghis la mezo de la lasta jarcento. Kiam la kamparanoj unuafoje vidis en filmo au televidilo la modernan diskoon, ili chiuj sentis surprizon. Sed nun tiu danco jam tute popularighis inter la gejunuloj de Tibet-nacio.

    En festoj kaj Novjara Tago, gejunuloj kolektighas en granda korto au sur herbejo kaj dancas diskoon ofte ghis tagigho en akompano de muziko el magnetofono.

    Daduo, renoma dancanto de diskoo en Cayu, estas ordinara kamparano. Li ne portas grandajn konusformajn orelringojn kaj longan senmanikan robon, sed europan kostumon kaj vakeran pantalonon. Li diris, ke dancado post laboro povas forigi lacon kaj richigi la kulturan vivon en la vilagho. Nun li havas monon kaj volas enspiri la freshan aeron de la moderna vivo.

    Antaue kamparanoj en Cayu estis rigardataj kiel sovaghuloj. Ili vivis en profundaj arbaroj en valoj kaj kulturis teron per tranchilo kaj fajro. Ili loghis en pajla shedo. En la Demokratia Reformado en 1959, dank' al la helpo de la registaro, ili eliris el la arbaroj, ekspluatis virgan teron, kaj konstruis novajn domojn, kaj la vivo farighis pli kaj pli bona.

    Nun moderna tajdo ne sole montrighas en dancado de la junuloj. Biciklantoj al laboro, plensharghitaj kamionoj, butikoj kun abundo da varoj, belsona legado el lernejoj, placha pop-muziko el kamparana korto donas la senton, ke la malproksima vilagho estas postkuranta la modernan vivon.