LHASA
-- SANKTA URBO SUR ALTEBENAJhO
Lhasa
3650 m super la marnivelo estas la plej alta urbo de la mondo.
Super ghi bluas la chielo kaj brilas la suno, pro tio Lhasa
portas ankau la nomon Sunluma Urbo.
Lhasa
havas longan historion. Al ghia centro etendighas asfaltita
shoseo, kiu komencighas de la aerodromo Gongga. Navetaj trafikilo-fluoj
sur la shoseo kaj arbare starantaj altaj konstruajhoj ambauflanke
de ghi elspiras modernecon. Tamen por la tibetanoj Lhasa estas
eterne sankta urbo, en kiu imponas Potala-palaco.
Post
unuigo de la tibetaj triboj en la sepa jc. Sunzamkampo, estro
de Tubo-regno, prenis Lhasa kiel chefurbon kaj konstruigis
sur Hongshan-monto Potala-palacon el halo, kastelo kaj ghardeno
por edzigi sin al princino Wencheng el la imperiestra familio
de Tang-dinastio. Kaj nun en la Halo de Shakjamunio estas
kultataj la statuoj de regnestro Sunzamkampo kaj princino
Wencheng.
Potala-palaco,
simbolo de Tibeto, signifas shipon, kiun Avalokitesvaro pilotas
por savi popolamasojn el la maro. Ghi estas giganta labirinto.
Sennombraj budhostatuoj kaj trezoroj en ghi kaj la konstruajhoj
enkorpigas la saghon de la tibetanoj kaj reprezentas la plej
altan nivelon de la tibeta kulturo. Pro tio Potala-palaco
estas honorita kiel sanktejo de la tibetaj lamaoj kaj trezoro
de la chinaj kulturo kaj arto.
Jokhang-templo
trovighas en la sankta urbo Lhasa. Legendo diras, ke ghia
sidejo estis determinita de princino Wencheng lau la teorio
de kvin elementoj kaj energioj jin kaj jang. En la templo
kun la arkitektura stilo de Chinio, Nepalo kaj Hindio konservighas
granda kvanto da historiaj objektoj, el kiuj la plej fama
estas ora statuo de Shakjamunio alportita de princino Wencheng.
Chiumatene,
antau Jokhang-templo kolektighas multaj pilgrimantoj, kiuj
parkere legas la sesliteran moton, kalkulante rozarion per
fingroj de unu mano kaj turnante pregh-radon per la alia,
au foje-refoje rampas surtere. Tiam antau la templo regas
densa religia etoso.
Kaj
samtempe, chirkau la templo funk kolieroj, tibetstilaj tranchiloj, parfumoj kaj aliaj vivnecesajhoj.
Multaj turistoj marchandas en diversaj lingvoj kun komercistoj.
Turistoj kaj pilgrimantoj kune formas seninterrompan homfluon.
Do, Barkhor-strato ja estas konata kiel la plej movoplena
en Lhasa.
GRANDA KANJONO DE YARLUNG ZANGBO
Yarlung
Zangbo, patrina rivero de Tibeto, fluas preter Namjagbarwa-montpinto,
kaj formighis la Granda Kanjono de Yarlung Zangbo, plej granda
en la mondo, kun averagha profundo de kvin mil metroj. Kiel
giganta drako, Yarlung Zangbo torentas en la kanjono kun tondra
bruego. Namjagbarwa-montpinto, kovrita de negho kaj chirkauita
de nuboj, staras tie kvazau bela feo. Sur ghia supro pendas
glaciaj kolonoj kaj sub ghi verdas arbara maro. En Tibeto
estas 50 tiaj montpintoj, inkl. de Qomolangma, la plej alta
en la mondo.
La
regiono Nyingchi che la kanjono de Yarlung Zangbo portas ankau
la nomojn "Regiono sude de Yangzi-rivero en Tibeto"
kaj "Lando richa je greno" pro siaj abunda pluvo,
fekunda tero kaj prospera arbaro. Tamen la regiono Medo estas
preskau izolita. Nur en somero, kiam degelas negho, ghi kontaktighas
kun la ekstera mondo. En la regiono, kie etendighas la kanjono,
interkrucighas dangheraj vojoj, glaciaj riveroj, altaj krutajhoj
kaj torentaj riveroj. Iuj ghiaj lokoj restas ankorau dezertaj.
En 1998 la kanjono denove farighis fokuso por vojaghantoj
pro tio, ke chinaj sciencistoj faris esploron pri ghi.
ChARMA STEPO
EN NORDA TIBETO
La
altebenajho en norda Tibeto konsistigas 2/3 de la totala areo
de Tibeto. Tie brilas la suno, lazuras la chielo, fekundas
la herbejoj kaj majestas la montoj kovritaj de negho. En la
okuloj de la tibetanoj estas sanktaj la tieaj montoj kaj lagoj.
Nam Co, unu el la kvar sanktaj lagoj de Tibeto, aspektas kiel
gemo sur la altebenajho en norda Tibeto. Per siaj charmaj
pejzaghoj la lago ravas chiujn vojaghantojn. Borde de ghi
abundas herboj tutjare kaj gruntbovoj, chamoj kaj aliaj sovaghaj
bestoj frekventas la lokon.
Norda
Tibeto estas paradizo de sovaghaj bestoj. Nigraj kornoj de
tibetaj virgazeloj estas longaj kaj maldikaj kiel vipo. Kiam
galopas sovaghaj azenoj per siaj maldikaj kaj lertaj gamboj,
audeblas bruego kaj videblas nubo da polvo en la aero.
Augusto
estas ora monato sur la stepo en norda Tibeto. Dekoj da miloj
letighas tie el chirkauaj lokoj por celebri
sian plej solenan festivalon de chevala vetkuro. Intertempe
oni ghuas ne nur konkurson de pafado sur chevalo kaj prezentadon
de chevalrajdado, sed ankau kantojn kaj dancojn. Kaj samtempe
okazas ankau grandioza foiro.
EN LA POLUSA REGIONO ALI
Ali portas ankau la nomon "Tegmento
sur la tegmento de la mondo". Ghia vasta altebenajho
skuas la animon de la homoj kaj la mistera ruino de antikva
urbo konigas ghian prosperan pasintecon. Insuloj de birdoj,
freskoj en kaverndomoj kaj lagoj chiuj havas sian propran
charmon.
En
Ali la plej mistera kaj la plej alloga estas la ruino de la
regno Guge. En la 17-a jc. la pli-ol-700-jara regno Guge malaperis
kun sia longhistoria kaj prospera civilizacio, kiun pruvas
la grandioza ruino. Arkeologoj esperas trovi sur la ruino
atestajhon de la historio. Kaj kion pensas turistoj tie? Mi
pensas, ke ankau ili volas esti la unuaj solvantoj de la enigmo
de Guge.
|