Tibeto, honorata kiel "patrino de riveroj", donas grandan atenton al mediprotektado kaj moderigo de poluo. Nun triono de la areo de Tibeto estas rezervejoj, kaj la gravaj poluaj fontoj estas regataj.
    Tibeto sidas sur la Qinghai-Tibeta Altebenajho, nomata "tegmento de la mondo", 4000 metrojn super la marnivelo. Estante fonto de multaj grandaj riveroj de Azio, Tibeto estas nomata "reguliga areo" kaj "startilo" de klimato de la norda duonsfero kaj okupas tre gravan lokon en la strategio de mediprotektado de la mondo.
    Mediprotektado de Tibeto komencighis en 1975. En la periodo de la Naua Kvinjara Plano (1996-2000) chiuj ghiaj subregionoj kaj gubernioj fondis instituciojn de mediprotektado, kaj nun en Tibeto funkcias la Centra Mediinformejo kaj 3 medikontrolejoj de la regiono kaj la Prognoza Centro de Kvalito de Medio kaj Aero de Lhasa.
    En Tibeto regas frosto kaj maldensa aero, kaj la ekologia medio estas malforta. En la lastaj jaroj la tibeta registaro sankciis serion da planoj pri ekologia protektado kaj ekspluatado, kaj ellaboris raporton de enketado pri la stato de ekomedio. Ghis la fino de 2000, la rezervejoj de la regiono kovris 38.19 milionojn da hektaroj, 32.7 pocentojn de la totala areo de la regiono.
    La disvolvigho de la industrio estas kompare malrapida, sekve la media poluo de Tibeto ne estas tiel serioza kiel en aliaj partoj de Chinio. Tamen en la lastaj jaroj rilate median poluon alportitan de rapida disvolvigho de la ekonomio, la registaro de la autonoma regiono alprenis serion da efikaj metodoj kaj elmetis al iuj gravaj entreprenoj rigoran postulon pri ellaso de poluajhoj. La serioze poluantaj entreprenoj en la regiono, ekzemple lanshpinejo kaj cementfabriko, au mem chesu produkti, au prezentu kontraupoluan planon kaj aktive traktadu poluon. Komencighis la konstruado de higiena ruboenterigejo de Lhasa, unu el la laboroj de la unua periodo de la "Projekto de transjarcenta verda inghenierajho de Chinio", kaj la dua periodo de la projekto jam inkluzivas la traktejon de malpura akvo de Lhasa kaj rubotraktejojn de la 6 subregionoj de Tibeto. La inghenierajho de traktejo de malpura akvo de la Popola Hospitalo de Lhasa jam trapasis ekspertizadon kaj la normala ellaso de malpura akvo estis efektivigita.
    Dum la periodo de la Deka Kvinjara Plano (2001-2005), la chefa celo de la tibeta mediprotektado estas: bremsi malbonighantan tendencon de ekomedio, senchese grandigi arbarizitan areon, ekologia restarigo de richifonta ekspluatejo atingos 15 pocentojn; primare efikos la ekologia konstruado de basenoj de grandaj riveroj; evidente plibonighos media kvalito de dense loghataj distriktoj, senpolua traktado de urba rubo superos 70 pocentojn, efektivighos normala ellaso de poluajhoj de industriaj entreprenoj kaj kaldronegoj uzataj por la popola vio.