La 7-taga Dua Investa Foiro de APEK inaugurighis en la 9-a de junio en Yantai de Shandong-provinco.
    La temo de la foiro estis: Investi Azi-Pacifikon, investi la estontecon. Ghia celo estis: Komplete montri la medion, politikon kaj shancon de investado de la membroj de APEK, akceli vastan internacian kunlaboron, prosperighon kaj disvolvighon de la azi-pacifika ekonomio.
    La enhavo de la foiro inkluzivis politiko-eksplikan kunvenon por investado de la membroj de APEK, altnivelan forumon de entreprenistoj de la membroj de APEK, montradon de investaj shancoj de la membroj de APEK kaj intertraktadon pri investado kaj kunlaborado. En la foiro sin montris delegacioj de la entreprenoj de la 21 membroj de APEK. Estis 30000 partoprenantoj de la foiro kaj 3000 el ili venis de eksterlando.
    Shi Guangsheng, ministro de la Ministerio de Ekstera Ekonomio kaj Komerco de Chinio, faris paroladon che la inauguro. Li diris, ke Chinio estas gastiganto de la serio da kunvenoj de APEK de 2001. Estante grava pozitivado sub la auspicioj de Chinio, la foiro liveris al la membroj de APEK gravan lokon por plifortigi kunlaboron, akceli interkomprenon kaj plivastigi komercan shancon. Tio havos pozitivan influon sur antauenigon de investa kunlaboro kaj ekonomia-teknologia intershangho de la Azi-Pacifika Regiono. La okazigo de la chi-foja foiro plene montris la sincerecon de Chinio por pozitive partopreni en la aferoj de APEK kaj plifortigi ekonomia-komercan kunlaboron kaj intershanghon de la Azi-Pacifika Regiono.
    Li akcentis, ke Chinio volontas fari senchesan klopodadon kune kun la aliaj membroj de APEK por akceli la ekonomian disvolvighon kaj socian prosperon de la Azi-Pacifika Regiono.
Kiel honora gasto de la foiro, novzelanda ekschefministrino Jenny Shipley faris varman paroladon che la inauguro. Shi diris, ke la potenco de APEK estas nenio alia ol publika interfluo kaj kunlaboro inter la membroj. Shi deziris al chiuj partoprenantoj de la foiro sukcesojn en la esplorado de la estonta disvolvigho de la membroj de APEK.
    La inauguron cheestis ankau Chang Che-Shik, ministro de la Komerca, Industria kaj Energia Ministerio de la Respubliko de Koreio, Vu Khoan, komerca ministro de Vjetnamio, Chau Tak Hay, estro de la Industria kaj Komerca Buroo de la Hongkong-a Speciala Regiono de Chinio, Li Chunting, provincestro de Shandong, kaj oficistoj de la chinaj Ministerio de Ekstera Ekonomio kaj Komerco, Scienca-teknologia Ministerio, Ghenerala Buroo de Kvalita Kontrolo kaj Ekzameno kaj Kvaranteno, Ghenerala Dogano k.a.