La 22-24-an
de augusto, 2001, virinaj gvidantoj de APEK kunvenos en Pekino.
La
25-an de julio gazetara konferenco publikigis tiun chi informon.
Gu Xiulian, vicprezidantino de la China Virina Federacio, diris:
"Mi kredas, ke la chi-foja kunveno estos tre utila al la virinoj
de diversaj ekonomiaj rondoj en ilia reciproka kompreno, kunlaboro
kaj ludo de pli grava rolo en la ekonomiaj entoj kaj al kreo de
pli bonaj kondichoj por la virinoj en disvolvo de mezgrandaj kaj
malgrandaj entreprenoj."
La kunveno
estas virina forumo kadre de APEK, kiu starighis post la Kvara Monda
Virina Konferenco. De 1996 ghi okazas unufoje chiujare.
En la
kunveno oni konsilighos pri la ekonomia kunlaboro, intershanghos
opiniojn pri virinaj problemoj en la Azi-pacifika Regiono kaj faros
proponojn al ministra renkontigho de APEK.
Ghi estos
unu el la kunvenoj de APEK gastigataj de Chinio. S-ino Gu diris,
ke la chi-foja kunveno celas liveri scenejon al la virinaj gvidantoj
de ekonomiaj establoj kadre de APEK, por ke ili pli bone konu unun
alian kaj plivastigu la internacian kunlaboron.
La kunvena
temo estos ekonomia tutglobigho, defio kaj shancoj de la virinoj
en la Azi-pacifika Regiono. Ghi havos ankau 4 subtemojn. Krom tio
en la kunveno okazos serio da simpozioj, kie respondeculoj de iuj
departementoj de Chinio konigos la ekonomion, komercon kaj politikojn
de Chinio kaj mondfamaj entreprenistoj predikos pri siaj spertoj
en kunlaboro kun Chinio.
La kunvenon
cheestos virinaj gvidantoj de 21 ekonomiaj establoj de APEK, de
malgrandaj kaj mezgrandaj entreprenoj, fakuloj kaj delegitoj de
neregistaraj organizoj.
|