Posttagmeze de la 14-a de augusto finighis en Shanhajo la dialogo inter doganoj kaj komercistoj de APEK en 2001. La dialoga bulteno diras, ke la dialogo estas unu el la gravaj metodoj por faciligi la komercadon. La plua dialogo inter doganoj kaj komercistoj de diversaj membroj de APEK estas utila por ilia reciproka kompreno kaj praktikado de la strategio de partneraj rilatoj kaj donis novan vivigan forton al ekonomia disvolvigho kaj komuna prosperigho en la Azi-pacifika Regiono.

    Ekde la unua dialogo okazinta en Seattle, 1993, tia dialogo inter doganoj kaj komercistoj de APEK okazis 6-foje kaj la nuna estas la 7-a. Ghia temo estas: Nova ekonomio: partneraj rilatoj kaj faciligo de komercado. La dialogon partoprenis 500 delegitoj de doganoj kaj komercistoj de la membroj de APEK, la Monda Komerca Organizo kaj Monda Dogana Organizo.

    La cheestantoj opinias, ke la temo pri influo de elektronika kaj senpapera komercado sur la komercista rondo ludos gravan rolon en la venontaj jaroj. La doganoj devas kunlabori kun komercista rondo por levi la nivelon de informigo de entreprenoj, daure rapidigi elektronikan komercadon de APEK, fondi sistemon pri dogana administrado konforman al elektronika kaj senpapera komercado kaj akceli konstruon de la elektronika registaro.

    La cheestantoj certighis pri la gravaj punktoj de la kunlaboro de doganoj kaj komercistoj, t.e. realigi la komunan dividon de informoj, akceli modernigon de doganoj, vastan uzadon de informologia teknologio, akceli disvolvon kaj trejnadon de personoj. La dialogo atingis sian celon kaj havas gravan signifon en la komercado de la Azi-pacifika Regiono.