Kvankam Usono estis surprizatakita de teroristoj la 11-an de septembro, ghia prezidanto Bush ankorau flugis al Shanhajo kaj havis planite sian unuafojan renkontighon kun la china prezidanto.

    Tagmeze de la 19-a, kiam mi eniris en la jhurnalistan salonon de la gazetara centro de APEK, mi vidis, ke multe da jhurnalistoj sidas antau televidilo kaj rigardas la simultanan transsendon de la gazetara konferenco. Pro limigo de la nombro de la cheestantoj, nur pli ol 100 jhurnalistoj havis la felichon persone cheesti la gazetaran konferencon, tial la aliaj povis nur rigardi la televidan transsendon.

    Jiang diris, ke Chinio kaj Usono ambau kun grava internacia influo havas komunajn respondecon kaj interesojn en defendo de la paco kaj sekureco de la Azi-Pacifika Regiono kaj la tuta mondo, en akcelo de ekonomiaj disvolvigho kaj prospero de la nomita regiono kaj ech la tuta mondo kaj batalo kune kun la internacia socio kontrau terorismo. Chinio alte taksas sian rilaton kun Usono kaj volontas disvolvi la konstruajn kunlaborajn rilatojn kun ghi.

    Jiang diris: "Mi kaj Bush faris bonan intertraktadon. Tio estis nia unuafoja renkontigho. Ni intershanghis opiniojn pri la china-usonaj interrilatoj, kontrauterorisma batalo kaj defendo de la mondpaco kaj sekureco kaj atingis multe da komuna kono."

    Li diris: "Ni vivas en la mondo kun diverseco. La cirkonstancoj de la du landoj estas malsamaj kaj sendube estas iuj malkonsentoj, kio ja ne estas mirinda. Mi opinias, ke la diversaj civilizacioj kaj sociaj sistemoj devas kune ekzisti dum longa tempo por sia kuna disvolvigho."

    Jiang emfazis, ke Chinio kaj Usono alfrontas gravan shancon por disvolvi siajn interrilatojn. La du landoj devas fari altrangulan strategian dialogon por akceli intershanghon kaj kunlaboron en ekonomia, komerca kaj energia kampoj kaj pliigi la interkonsilighon kaj intertraktadon pri gravaj internaciaj kaj regionaj problemoj.

    Li diris: "Mi kredas, ke se nur niaj du landoj firme tenos siajn komunajn interesojn, observi la principon de siaj tri komunaj deklaracioj kaj bone trakti siajn interrilatojn kaj precipe la problemon pri Taiwan, la china-usonaj interrilatoj povos disvolvighi senchese."

    Bush atingis Shanhajon vespere de la 18-a por cheesti la neoficialan kunvenon de la gvidantoj de APEK.

    Tagmeze de la 19-a, Jiang okazigis bankedon por la usona prezidanto.