Ekde
la unua pintkunveno de APEK en Seattle, 1993, china prezidanto Jiang
Zemin cheestis chiujn ghiajn kunvenojn kaj iniciatis ekonomian kaj
teknikan kunlaboron en la Azi-Pacifika Regiono. Lia iniciato estis
multe subtenata de la aliaj membroj de APEK, ke la ekonomia kaj
teknika kunlaboro kaj la komerca kaj investa liberalismo estas rigardataj
kiel du grandaj kolonoj de APEK.
Kiel
la plej granda disvolvighanta lando, Chinio ludas nun pli kaj pli
gravan rolon en APEK.
Por
Chinio aligho al APEK samkiel ghia klopodo por aligho al la Monda
Komerca Organizo (MKO) estas bezonata de ghiaj reformado kaj pordmalfermo.
Char Chinio ne sukcesis ghustatempe alighi al MKO en la pasintaj
10 jaroj, ghia aligho al APEK farighis reala vojo por ghia partopreno
en la ekonomia tutglobigho.
3
kvaronoj de la enkondukita kapitalo de Chinio devenas de la membroj
de APEK, tial ghia partopreno en la komerca kaj investa liberalismo
kaj ekonomia kaj teknika kunlaboro de APEK estas efektive kunfandigho
de ghia ekonomio en tiun de la tuta mondo.
La
dogano de Chinio mallevighis de 36% al 15%, kaj en 2005 ghi falos
al 10%. Chinio pli kaj pli reduktos sian nedoganan barieron. Char
Chinio jam subskribis la Interkonsenton pri Informadikaj Produktoj,
en 2005 la dogano de plejparto de tiaj produktoj estos nulo. Chinio
decidis asigni 10 milionojn da usonaj dolaroj por establi la Kunlaboran
Fonduson de Scienc-Teknikaj Entreprenoj. Tiujn promesojn deklaris
Jiang Zemin en la pintkunveno de APEK.
Aligho
de Chinio al APEK utilas al la reformado kaj pordmalfermo de Chinio
kaj iagrade mallongigis la procezon de ghia aligho al MKO.
En
diversaj okazoj de APEK Jiang konigis la chinan politikon pri eksteraj
aferoj kaj precipe la kvin principojn pri la ekonomia disvolvigho
en la Azi-Pacifika Regiono, t.e. "Reciproka respekto kaj plena
interkonsiligho; iom-post-ioma stabila disvolvigho; pordmalfermo
unu al alia sen ekskluzivo; vasta kunlaboro kaj reciproka utilo;
kaj redukto de la diferencoj por komuna prospero", kiuj vekis
vastan simpation.
En
la lastaj jaroj Chinio ludis konsiderindan rolon en la regiona stabileco,
defendo de nuklea sekureco, kontrauterorisma batalo, stabiligo de
financaj aferoj, media protekto kaj batalo kontrau toksajhoj kaj
kontrabando. La rapida disvolvigho de la ekonomio de Chinio iagrade
levis ghian internacian pozicion. La grava rolo de Chinio en APEK
kaj ghia gastigado de la chi-jara APEK klare montris ghian influon
en la internacia sfero.
|