En la 20-21-a de oktobro okazis la 9-a neoficiala kunveno de gvidantoj de APEK en Shanhajo. Jiang Zemin, prezidanto de Chinio, prezidis la kunvenon kaj faris gravan paroladon.

    La temo de la kunveno estas "Nova jarcento, nova defio: partopreno, kunlaboro por kuna prospero". La gvidantoj de 21 landoj kiel membroj de APEK diskutis pri la situacio de la internacia ekonomio, konstruado de homaj kapabloj kaj estonteco de APEK. Ili atingis komunan konon pri fortigo de sistemo de plurflanka komerco, libereco de komerca investo en la Azi-Pacifika Regiono kaj ekonomia kaj teknika kunlaboro. Ili subskribis la dokumentojn "Deklaracio de APEK-gvidantoj" kaj "Komuna kono atingita en Shanhajo". La gvidantoj ankau parolis kun reprezentantoj el la industria kaj komerca rondoj, kiuj prezentis sian proponon pri disvolvigho de la regiona ekonomio.

    La gvidantoj montris optimismon pri la estonteco de la ekonomio de la Azi-Pacifika Regiono kaj havis firman volon alpreni efikan politikon por fortigo de la kunlaboro kaj rekreskigo de la ekonomio. En la financa kampo ili ellaboros konkretajn programojn. Tio ne nur vigligas ilian memfidon solvi malfacilajhojn, sed ankau pozitive influos la ekonomiajn disvolvighon kaj prosperon de la mondo.

    En la kunveno la gvidantoj kune kondamnis la terorisman aktivadon kaj deziris internacian kunlaboron. Ili publikigis deklaracion pri firma batalo kontrau terorismo.