"La jarkunveno akiris pozitivajn fruktojn," diris Qin Xiao, prezidanto de la Industri-Komerca Konsultigha Konsilio (IKKK) de APEK en 2001 kaj vicprezidanto de la China Internacia Kredita kaj Investa Korporacio.

    La jarkunveno okazis la 18-21-an de oktobro en Shanhajo, Chinio. Ghia chefa enhavo estas: A. Dialogo kun gvidantoj de la ekonomiaj rondoj de la membroj de APEK. La dialogo estis gvidata de Jiang Zemin, china prezidanto. En la nomo de IKKK Qin koncize konigis la raporton de 2001. La gvidantoj kaj delegitoj de IKKK demandis unu al alia. B.Partopreni koncernajn aktivadojn de pintkunveno de plenumantaj direktoroj de grandaj entreprenoj, al kiuj parolis gvidantoj de ekonomiaj unuoj kaj parolis ankau la rusa, meksikia kaj usona prezidantoj kaj malajzia chefministro. C. Regulaj kunvenoj de IKKK, kie oni rememoris kaj resumis la laboron de la kuranta jaro kaj transdonis la taskon por la jarkunveno de 2002 al IKKK- prezidanto el Meksikio.

    En 2001 IKKK akiris rimarkindajn fruktojn dank' al la sukceso en la usona, rusa kaj singapura kunvenoj. La temo de la jarkunveno de IKKK en 2001 estis malfermo de merkato, konstruo de homaj kapabloj kaj vasta partopreno por la komuna disvolvigho. La kunveno donis apartan atenton al malrapidigho de la ekonomia kresko en la tuta mondo, pliigho de la financa tumulto, nova intertraktado de la Monda Komerca Organizo, realigho de la celo difinita en Bogor kaj tutglobigho. IKKK opiniis, ke por realigi la merkatan malfermighon chiuj ekonomiaj rondoj devas plifortigi siajn kapablojn, por ke chiuj ekonomiaj rondoj de APEK kune profitu de la ekonomia prospero, kauzita de la tutglobigho, kaj realigu komunan disvolvighon.

    Qin diris, ke post sia naskigho IKKK jam prezentis 5 raportojn al la gvidantoj. Kiel oficiala kanalo de dialogo inter la gvidantoj kaj industriaj kaj komercaj rondoj IKKK jam ludis apartan rolon. Li diris, ke pere de liberalismo de komerco kaj investo, ilia faciligo kaj ekonomia kaj teknika kunlaboro, subteno de la sistemo de sana kaj plurflanka komercado surbaze de la Monda Komerca Organizo, APEK vere profitos de la tutglobigho kaj farighos modelo por aliaj regionoj de la mondo.