La
20-an de oktobro sukcesplene fermighis en Shanhajo la pintkunveno
de industriaj kaj komercaj gvidantoj de APEK de 2001, kun la temo
"Nova jarcento kaj nova ekonomio: disvolvigho en la tutmondigho".
S-ro
Yu Xiaosong, prezidanto de la Organiza Komitato de la pintkunveno
kaj prezidanto de la China Asocio por Komerca Akcelo, faris raportadon
al la kunveno.
La
pintkunveno unuafoja en Chinio vekis ne nur vastan atenton kaj partoprenon
de industriaj kaj komercaj magnatoj de la 21 ekonomiaj komunumoj
de APEK, sed ankau altan takson de la gvidantoj de la ekonomiaj
komunumoj. Prezidanto de Chinio Jiang Zemin cheestis la kunvenon
kaj faris gravan paroladon kun la titolo "Kunlabore disvolvighi
por krei imponan perspektivon". Lia parolado estis varme aplaudata
de la kunvenantoj. Paroladon faris ankau novzelanda chefministro
Clark, rusa prezidanto Putin, meksikia prezidanto Fox, australia
chefministro Howard filipina prezidantino Macapagal-Arroyo, malajzia
chefministro Mahathir, usona prezidanto Bush kaj la Hongkong-a Administra
Estro Tung Chee Hwa. La kunveno konstruis platformon por intershangho
kaj intekomunikigho de entreprenistoj kaj registaroj sub la kondicho
de nova ekonomio, enkorpigis la konstantan spiriton de egalrajteco
kaj kunlaboro. Cheestantoj de la kunveno opiniis, ke la chi-foja
kunveno estas la plej sukcesa.
Lau
sia temo la pintkunveno invitis pli ol 80 ministrojn kaj kompetentulojn
de la koncernaj ekonomiaj komunumoj, direktorojn kaj chefojn de
cheestantaj entreprenoj kaj Supochai, la estontan gheneralan direktoron
de MKO por parolado. La paroladoj de la administrantaj chefoj la
specialaj distriktoj de Hongkong kaj Makao de Chinio kaj la paroladoj
de koncernaj provincoj kaj ministerioj de Chinio publikigis al la
komercista rondo de la Azi-Pacifika Regiono plej novajn informojn
pri la estonta disvolvigho de la cheftero de Chinio, Hongkong kaj
Makao, kio liveris grandan komercan shancon por la industiista kaj
komercista rondoj. La cheestantaj personoj de la industriista kaj
komercista rondoj disvolvis vastan kaj profundan diskutadon kaj
venis al kompare vasta komuna kono pri la shanco kaj defio de la
nova jarcento, la kreskantaj industrioj de la 21-a jarcento, administrado
kaj renovigo, ekvilibro de la efiko kaj justeco en tutmondigho:
por renkonti la novan defion de la ekonomia tutmondigho estas necese
sin adapti al la disvolvigho de la nova ekonomio, rapidigi reordigon
de respektivaj ekonomiaj strukturoj, krei novan ekonomian strukturon,
altigi la konkurencan kapablon de la entreprenoj kaj rapidigi renovigon
de teknologio kaj produktajhoj. Konkurencoj inter entreprenoj povas
sin adapti al la defio nur antaukondichite de kunlaboro por reciproka
utilo kaj kuna gajno; krome estas necese plifortigi interkomunikighon
de la registaroj, krei leghan kaj komercan medion favoran al la
ekonomia disvolvigho. Aktive kaj vaste partopreni en chiudimensia
kaj multforma ekonomia kunlaboro por antauenpushi la prosperon kaj
dauran disvolvighon de la ekonomio de la regiono kaj tiu de la tuta
mondo.
La
cheestantoj de la industriista kaj komercista rondoj faris fortan
signalon: kiel eble plej rapide lanchi novrondan intertraktadon
de MKO por plifortigi la konfidon de la Azi-Pacifika Regiono pri
la disvolva perspektivo de la monda ekonomio kaj krei bonajn investan
medion kaj merkatan ordon.
La
cheestantoj apelaciis al MKO, APEK kaj chiuj registaroj, ke ili
plene konsideru en la proceso de pushado de la ekonomia tutmondigho
kaj komerca libereco la interesojn de la multaj disvolvighantaj
landoj, kiel eble plej rapide starigu justan kaj racian tutmondan
sistemon de multflanka komerco kaj novan ordon de internacia ekonomio,
por akceli daurajn disvolvighon kaj prosperon de la ekonomio de
sia regiono kaj la tuta mondo.
|