Chinio estas sin preparanta por la Retlabora Kunveno de Gvidantinoj de APEK, kiu okazos en Pekino la 22-25-an de augusto.
    "Konkurencoj kaj Shancoj por Azi-Pacifikaj Virinoj en la Procezo de Ekonomia Tutglobigho" estas la temo de la kunveno. Jene estas kvar subtemoj: Entreprenistinoj kaj la Monda Merkato, Fondi Partnerecon kun Mez- kaj Malgrandaj Entreprenoj Funkciigataj de Entreprenistinoj, Rolo de Virinoj en Nova Scienc-Teknologio kaj Daura Disvolvigho, Seksa Integrigho en la Disvolva Procezo de APEK.
    La kunveno estas unu el la gravaj aktivadoj de APEK. Sen gvida au konstanta organo, ghi estas chiujare okazanta kunveno de gvidantinoj el la administra, scienca kaj komerca kampoj de Azi-Pacifiko. Ghi celas provizi azi-pacifikajn virinojn per forumo por ekonomiaj intershangho kaj kunlaboro, precipe entreprenistinojn de mez- kaj malgrandaj entreprenoj.
    Ekde 1996 la kunveno chiujare okazis respektive en Filipinoj, Kanado, Malajzio, Nov-Zelando kaj Brunejo Darussalamo. La chi-jara kunveno estos unu el tiuj kunvenoj en Chinio kiel gastiganto de la 9-a Neoficiala Kunveno de Gvidantoj de APEK.