En la 14-a de aprilo 2004 inaugurighis Esperanto-kurso en la Xi'an-a Tradukista Kolegio. La inauguron partoprenis s-ro Ding Zuyi, direktoro de la kolegio kaj prezidanto de la Shaanxi-a Esperanto-Asocio, s-ro Wang Shirong, instruisto komisiita de la China Esperanto-Ligo, s-ro Wang Tianyi, prezidanto de la Xi'an-a Esperanto-Asocio, kaj pli ol 200 gestudentoj.

La inauguro komencighis per la himno "La Espero". S-ro Ding Zuyi faris paroladon. Li diris, ke lau interkonsento kun la China Esperanto-Ligo la kolegio lernigas Esperanton al 100 gestudentoj. Post tri-monata lernado ili servos kiel helpantoj por la 89-a Universala Kongreso de Esperanto en Pekino, kaj surbaze de la elstaraj helpantoj la kolegio konstruos sian instruistaron por Esperanto.

En la inauguro s-ro Ding persone instruis la kanton pri E-alfabeto kaj gvidis la unuan lecionon. Lia instruado multe vigligis la etoson kaj vekis grandan intereson de la cheestantoj.