Jam antau 40 jaroj la Pekina Disaudiga Instituto kulturis profesiajn e-istojn por E-organizoj de Chinio. Jen Liu Junfang, vicprezidanto de la China Esperanto-Ligo (ChEL) kaj unu el la unuaj parolistoj de China Radio Internacia (ChRI), Tan Xiuzhu, prezidantino de ChEL kaj komitatano de UEA, Yu Tao, ghenerala sekretario de ChEL kaj komitatano de UEA, Yu Jianchao, estrino de E-sekcio de ChRI, chiuj estas elbakitaj de la instituto.

Nun en la Esperanta fako de la instituto lernas 7 junuloj ch. 20-jaraj el diversaj lokoj de Chinio. Ili eklernis la lingvon en septembro de 2003 kaj nun jam kapablas interbabili Esperante. Zhao Jianping, raportisto de ChRI kaj instruisto de ilia konversacio, diris al mi, ke antaue 3 el ili lernis la italan lingvon kaj la aliaj - la anglan, kaj ili rapide progresis en lernado de Esperanto. Sur la muro de ilia klaschambro pendas bela afisho por propagandi la 89-an UK, por kiu ili prenis sur sin la taskon de volontuloj.

Li Jianhua, monitoro de la klaso, diris al mi, ke ili ofte partoprenis aktivadon de la Pekina E-Asocio kaj akceptis fremdlandajn e-istojn vizitantajn Pekinon. Ili nun planas organizi ekspozicion pri Esperanto en kelkaj universitatoj de Pekino por diskonigi la lingvon kaj la 89-an UK.

(Chen Ji)