La China Esperanto-Ligo tuj ekagis en
preparado post kiam la estraro de UEA faris decidon
januare de 2002, ke la 89-a UK de Esperanto de 2004
okazu en Pekino. Glate iras la preparado. Sed nia
tasko en la estonteco estos tre peniga.
Nun en la nomo de la Konstanta Komitato
de ChEL mi raportu al la kongresanoj pri nia preparado,
kaj ni petos pozitivan respondon de la Esperantaj
organizoj kaj la tuta Esperantujo de nia lando rilate
solidan preparadon por la UK.
I.
Preparado por la kongreso
Konforme al la "Kongresa Operaciaro",
ni aranghis nian preparadon en 8 partojn el 165
artikoloj. La estraro de UEA, la centra oficejo
de UEA kaj LKK de la gastiganta lando kune respondecas
pri tio. La unua parto dauris de la akcepto de peto
de gastigo ghis la Gotenburga Kongreso kaj inkluzivis
pli ol 30 laborojn, el kiuj 20 devas esti plenumataj
de LKK sole au kune kun UEA; la dua parto estis
laboroj dum la Gotenburga Kongreso inkluzive de
establo de kongresa akceptejo, transpreno de kongresa
flago kaj aliaj 4 laboroj. La tria parto dauros
de nun ghis la fino de 2003, kaj duono de la 30
laboroj koncernas nin.
Chefaj
laboroj en niaj unuaj du partoj estis:
1.Ni okazigis kunvenojn de la
Konstanta Komitato de ChEL kaj interkonsilighis
pri la preparado, elmetis projekton de LKK el esperantistoj
de ChEL, EPCh, China Radio Internacia kaj la Pekina
Esperanto-Asocio, kaj difinis ChEL kiel dejhorejon;
2. Pere de la China Fremdlingva
Eldona kaj Distribua Buroo, la supera instanco de
ChEL, ni raportis la sukceson de peto de gastigado
de la kongreso al la Informa Oficejo de la Shtata
Konsilantaro, la Ministerio de Eksteraj Aferoj,
la Financa Ministerio, la Pekina Popola Registaro
kaj la China Popola Asocio por Amikeco kun Fremdaj
Landoj, kaj petis ilian direktadon kaj subtenon
al la preparado;
3. Ni elmetis projekton pri
alta protektanto kaj starigo de Honora Komitato
de la Prepara Komitato de la Kongreso kaj prezentis
la peton al la Centra Registaro de Chinio. Ni intencas
peti Wu Bangguo, prezidanton de la Konstanta Komitato
de la Tutlanda Popola Kongreso, kiel altan protektanton;
kaj peti Xu Jialu, vicprezidanton de la Konstanta
Komitato de la Tutlanda Popola Kongreso, kiel honoran
prezidanton de la Prepara Komitato. Zhao Qizheng,
ministro de la Informa Oficejo de la Shtata Konsilantaro,
jam promesis esti prezidanto de la Prepara Komitato,
kaj gvidantoj de rilataj departementoj de la registaro
estos vicprezidantoj de la komitato;
4. Ni kontaktighis kaj interkonsilighis
kun la Pekina Federacio de Socisciencaj Asocioj,
la China Turisma Servo kaj la Pekina Internacia
Konferenca Centro kaj atingis kelkajn interkonsentojn;
5. Ni publikigis en "La
Mondo" anoncon por varbi projektojn por la
kongresa emblemo. Che la komenco de la jaro ni faris
elektadon kaj havis decidon pri la emblemo, kaj
tion aprobis UEA;
6. Ni fondis oficialan retpaghon
de la kongreso de 2004 kaj malfermis la Esperantan
version kaj la chinlingvan version respektive en
aprilo kaj junio;
7. Ni eldonis la unuan bultenon,
afishojn kaj alighilojn, eldonis propagandajn diskojn
"Bela Pekino", "Proponindaj Itineroj"
kaj "Sunradioj post Shtormo", eldonis
fotoalbumon "Antikvaj Vidindajhoj de Pekino"
kaj kunlaboris kun la Pekina Esperanto-Asocio en
eldonado de "Gvidlibro pri Pekino" kaj
Esperantaj libroj;
8. Ni sendis delegaciojn al
la 87-a Kongreso de 2002 en Brazilo, la 3-a Azia
Kongreso en Seulo de Respubliko de Koreio kaj la
88-a Kongreso de 2003 en Gotenburgo de Svedio, kiuj
interkonsilighis kun estraranoj de UEA pri la preparado
por la 89-a UK, esploris la organizadon de la kongresoj
kaj informadis la kongresanojn pri la Pekina Kongreso
de 2004;
9. En 2002 kaj 2003 ni akceptis
konstantajn kongresajn sekretariojn de la Centra
Oficejo de UEA, interkonsilighis pri la kongresejo,
loghejoj, turismo k.a. aferoj;
10. Ni faris enketadon por fari
la kongreson karakteriza kaj mejloshtona kaj difinis
la unuapashan projekton de la preparado;
11. Ni okazigis kunvenon de
gvidantoj de la societo "Amikoj de Esperanto"
por gajni ilian subtenon kaj petis ilian opiniojn
pri la preparado por la kongreso.
Gvidantoj de la China Fremdlingva Eldona
kaj Distribua Buroo multe prizorgas la preparadon
de la kongreso. Ili multfoje instrukciis kaj okazigis
kunvenojn de buroestroj por interkonsilighi pri la
preparado de la kongreso. S-ro Cai Mingzhao, vicministro
de la Informa Oficejo de la Shtata Konsilantaro kaj
estro de la China Fremdlingva Eldona kaj Distribua
Buroo, instrukciis: "Nepre faru la kongreson
de 2004 plene sukcesa, karakteriza kaj mejloshtona
en E-movado. Aranghu la preparadon en plena atento."
Lau la instrukcio de la gvidantoj de la
buroo kaj la reala stato de E-movado, ni ellaboris
unuan planon de preparado, kaj ghia gvidpenso kaj
ghenerala postulo estas: Chiam meti la socian efikon
sur la unuan lokon; konigi al la esperantistoj de
la mondo la disvolvighon kaj progreson de la china
E-movado sub la prizorgo de la registaro; konigi la
penadon de la chinaj esperantistoj en diskonigo de
Chinio kaj penadon por la amikeco de la popoloj de
la mondo kaj la mondpaco; prezenti la stabilan socion,
progresantan ekonomion kaj chiuflankan konstruadon
de bonhava socio de Chinio. Krome, estas necese aranghi
la kongreson per merkata maniero, pene krei pli bonan
profiton kaj esplori multmanieran diskonigon de Chinio
sub la kondicho de merkata ekonomio. Por fari la kongreson
karakteriza kaj mejloshtona, ni devas unue establi
perfektan institucion por la preparado kaj multe peni
en du flankoj, nome "veki vastan atenton en kaj
ekster la lando" kaj "chiuflanke konigi
Chinion". Por veki vastan atenton en kaj ekster
la lando, ni devas akcenti la skalon de la kongreso,
internacian influon, enlandan respondon kaj nombron
de kongresanoj. Por "chiuflanke konigi Chinion",
ni aranghos chinan kulturan semajnon dum la kongreso
kaj zorgoplene sukcesigos la ekskursojn antau kaj
post la kongreso. Kaj en tio ni bezonas subtenon de
chinaj esperantistoj en chiuj flankoj.
Lau
la postulo de UEA, ni bone faros la jenajn laborojn:
1. Kiam la nomlisto de la alta
protektanto de la kongreso kaj membroj de la Honora
Komitato estos decidita, ni tuj okazigos gazetaran
konferencon por anonci la aferon kaj per tio amplekse
antauenpushi la propagandon kaj raportadon pri la
kongreso kaj Esperanto;
2. Decidi la temon kaj programerojn
de la kongreso. Ni konsilas la kongresan temon "Lingva
egalrajteco kaj mondpaco", ke poste oni ellaboru
"Pekinan Manifeston" sur tiu bazo. Fina
decido dependos de interkonsiligho kun estraranoj
de UEA;
3. Bone fari la hejmpaghon "Universala
Kongreso de Esperanto"
en la chinlingva versio de la China Reto malfermita
en septembro por konigi al la tuta socio Esperanton
kaj UK de 2004;
4. Difini gheneralan planon
por turismo, loghado k.a. kaj pene disvastigi ghin;
5. Trejni laborantojn kaj volontulojn
por la kongreso kaj fondi Esperantajn kursojn por
volontuloj, laborantoj kaj interpretistoj. Lastatempe
ni fondis kurson en la China Fremdlingva Eldona
kaj Distribua Buroo kaj baldau kunlaboros kun la
Pekina Instituto de Ekstera Ekonomio por fondi Esperantan
kurson;
6. Redakti kaj eldoni la duan
bultenon, kongreslibron kaj aliajn Esperantajn librojn.
Eldoni Esperantan "E-movado en Chinio"
kunlabore kun la Pekina Federacio de Socisciencaj
Asocioj kaj bildlibron "100 Jaroj de Esperanto
Internacie"; subteni lokajn Esperantajn organizojn
en eldonado de Esperantajn librojn pri la konstruado,
kulturo kaj E-movado de la respektivaj lokoj;
7. Pasho post pasho efektivigi
la planon kun chinaj karakterizajhoj, ekzemple iniciati
Esperantan Arbaron, starigi Esperantan monumenton,
okazigi prelegojn pri la karakterizaj kulturoj de
la nacioj de Chinio kaj varieteon kun naciaj gustoj;
8. Bone fari la aferojn pri
la disvolvo de merkato de kongresaj memorajhoj kaj
enspezo de reklamoj;
9. Sendi delegaciojn al Esperantaj
kongresoj en Japanio kaj Koreio por altiri esperantistojn
al la Pekina Kongreso pli multe ol tiuj al la 71-a
UK.
II.
Kunlaboro de tutlandaj esperantistoj por la preparado
de UK
La chinaj esperantistoj estis kuraghigataj
de la sukceso en peto de gastigado de la 89-a UK.
En la pasinta jaro ili montris grandan prizorgon por
la preparado de la kongreso kaj donis multe da bonaj
proponoj kaj konsiloj al la China Esperanto-Ligo.
Krome la lokaj organizoj faris tre diversajn aktivadojn
por kontribui al la 89-a UK. ChEL dankas tiujn organizojn
pro ilia klopodado.
Sukceso
de la 89-a UK dependos de UEA kaj LKK. Kaj LKK devas
sin apogi sur la lokaj E-organizoj kaj la tuta esperantistaro.
Fakte ili ankorau havos multon por fari:
Unue, bone trejni esperantistojn kaj pene
altigi ilian lingvonivelon. ChEL ne havas sufichan
forton por fondi multajn kursojn, kaj la nuna kurso
estis taskita por preparado de la kongreso, do la
lokaj organizoj devas chiamaniere utiligi siajn kapablojn
por malfermi diversformajn kursojn kaj efike altigi
la lingvonivelon de la membroj, kaj nur tiam ili povos
vere partopreni en la kongreso. Multaj el niaj samideanoj
shatas movadon kaj neglektas altigon de sia lingvonivelo.
Kion opinios la fremdlandaj kongresanoj, kiam ili
trovos, ke chinaj esperantistoj parolas neesperante
en la Esperanta kongreso? Kaj kiel ni povos partopreni
en la diversaj aktivadoj kaj konigi nian landon? Tial
ni frontas urghan taskon chiuflanke altigi nian lingvonivelon.
Due, la lokaj Esperantaj organizoj devas
bone organizi sian delegacion. Chi-foje ChEL ne limigos
la nombrojn de partoprenantoj por la lokaj organizoj.
Sed ni devas garantii la sukceson de la kongreso,
kaj ni devas klerigi la kongresanojn je la persona
kvalito. Se lokaj E-organizoj prenos sur sin la laboron
organizi sian delegacion, ili povos unue fari edukadon
pri akcepto de fremdlandaj gastoj, utile al la administrado
de la kongreso; due, disvolvi sian rolon kaj elstarigi
la trajton de sia delegacio por pli bone partopreni
en la aktivadoj de la kongreso; kaj trie, altiri pli
da esperantistoj al la delegacio. Ni fervore helpos
al la lokaj delegacioj.
Trie, partopreni en chiuj aktivadoj de
la kongreso, en diskutado de kongrestemo, kongresa
universitato, fakaj kunsidoj kaj varieteo. La chinaj
kongresanoj devas esti ne nur auskultantoj kaj rigardantoj,
sed ankau prelegantoj, prezidantoj kaj aktoroj, por
plene manifesti la lingvonivelon kaj charmon de la
chinaj esperantistoj. Asocioj kaj esperantistoj de
diversaj lokoj devas fari sufichan sinpreparon kaj
pretigi siajn karakterizajn programerojn. Tiuflanke
ni devas lerni de japanaj kaj koreaj esperantistoj.
Ili viglas en chiuj aktivadoj dum la kongresoj, kaj
ni trovis, ke ili ofte kunportas dekojn da kilogramoj
da vestoj kaj rekvizitoj.
Kvare, multe kontaktighi kun esperantistoj
kaj Esperantaj organizoj kaj inviti ilin al la Pekina
Kongreso.
Kvine, sin prepari por akceptado de fremdlandaj
kongresanoj. Ili vizitos kelkajn lokojn antau kaj
post la kongreso, kaj tio bezonos vojagvidantojn kaj
akceptantojn, estas necese pretigi materialojn pri
la vidindajhoj kaj kulturo de la lokoj, kaj oni povas
eldoni propagandilojn kunlabore kun lokaj registaraj
departementoj.
Sese, fortigi propagandon kaj disvastigon
de Esperanto kaj formi longedauran movoforton; klopodi
por inviti lokajn gvidantojn al la kongreso, por ke
ili konu Esperanton kaj Kongreson de Esperanto kaj
subtenu Esperantan movadon; en la lokoj sen organizo,
oni starigu au restarigu organizon utiligante la bonan
shancon pro la okazigo de la Pekina Kongreso; aktive
raporti la kongreson per la loka jhurnalismo por diskonigi
Esperanton; malfermi Esperantan kurson por multigi
esperantistojn.
Unuvorte, la tuta Esperantujo de Chinio
devas plene utiligi la favoran situacion por pli efike
propagandi kaj disvastigi Esperanton, multigi esperantistojn,
oftigi kontakton kun alilandaj organizoj, senchese
multigi aplikadon de Esperanto en ekonomio, kulturo,
scienco, teknologio kaj aliaj kampoj, servigi Esperanton
al chiuflanka konstruado de bonhava socio de Chinio
kaj pushi Esperantan movadon de Chinio al nova stadio.
Samideanoj kaj amikoj,
Ni kune penu por la preparado de la kongreso.
Sukceso de la Pekina Kongreso de 2004 bezonas kunan
penadon de chiuj esperantistoj de Chinio.
* Raporto
farita de s-ro Wang Hanping, asista ghenerala sekretario
de la China Esperanto-Ligo kaj direktoro de ghia
centra oficejo, en la 5-a China Kongreso de Esperanto.
.
|