La tuttagaj ekskursoj okazos precipe en merkredo, la 28-a de julio, sed ankau en aliaj tagoj. La prezoj inkluzivas tagmanghon. Chiuj autobusoj estas altkvalitaj kaj klimatizitaj.

E1 La Granda Muro che Badaling kaj Dingling-mauzoleo

Mardo kaj merkredo

Ekiro: 08h30 Reveno: ch. 17h00

Prezo: 37 EUR

La Granda Muro estas unu el la plej grandaj kaj antikvaj konstruajhoj de la mondo. Ghi longas entute 6700 km. La parto che Badaling kun longo de 3741 metroj konstruighis en 1505; ghi estas la plej bone konservata parto de la Granda Muro de Ming-dinastio. Strategie lokite, ghi estas ege fortika kun multaj fortresoj.

Dingling-mauzoleo estas tombo de imperiestro Shenzong kaj liaj du edzinoj de Ming-dinastio. Ghiaj konstruajhoj konsistas el mauzolea pordego, haloj, turo kaj subtera palaco. Ghi situas en regiono de la 13 imperiestraj tomboj, la Ming-tomboj.

E2 Tianjin

Ekiro: 08h30 Reveno: ch. 17h00

Prezo: 30 EUR

Tianjin estas tre granda urbo je du horoj autoveture de Pekino. Ghi estas fama historia urbo kaj ankau grava loko de norda kulturo. Ghi estas abunda je popolaj metiartajhoj. Ni vizitos la budhisman monahhejon Dabei, la Tamburan Turon, kaj kulturajn kaj manghstratojn kie ni povos ghui diversajn manghajhetojn kun loka gusto.

E3 Orientaj Mauzoleoj de Qing-dinastio

Merkredo kaj vendredo

Ekiro: 08h30 Reveno: ch. 17h00

Prezo: 39 EUR

En urbo Zunhua de Hebei-provinco kushas la plej granda kaj bone konservata mauzolearo de Qing-dinastio. Ghi kovras entute 74 kvadratajn kilometrojn.

Tie kushas 15 mauzoleoj de imperiestroj kaj imperiestraj edzinoj. Ghia arkitekturo atingis kulminon de la antikva china arkitekturo bazita sur la principoj de Feng Shui. Tie vidighas tri grandaj haloj en la Mauzoleo de la Imperiestra Patrino Cixi, Mauzoleo de imperiestro Qianlong (honorata kiel trezorejo de shtona skulpturo), subtera budhisma halo, kaj shtona arkajho, la plej largha en Chinio.

E4 Tanzhe-templo kaj Shihua-groto

Merkredo kaj jhaudo

Ekiro: 08h30 Reveno: ch. 17h00

Prezo: 32 EUR

Tanzhe-templo estis konstruita en 265-316 p.K. Ghi estas la vidindajho kun la plej longa historio de Pekino. La nuna templo Tanzhe estas heredajho de la dinastioj Ming kaj Qing, kaj konsistas el diversaj pavilonoj, preghhaloj, kortoj kaj grupo de pagodoj. Ghi, lau la montodeklivo, aspektas tre impone inter tre maljunaj pinoj kaj cipresoj.

Shihua-groto, 50 km for de Pekino, estas tipa karsta groto en norda Chinio. La groto havas sep etaghojn. De la unua ghis la kvina etaghoj la longeco estas pli ol kvin mil metroj, kaj en la sesa kaj sepa etaghoj estas subteraj riveroj. La pejzaghoj estas diversspecaj kaj kuriozaj. Altaprezata, ghi estas populara ankau inter sciencesploristoj. Inter la stalaktitoj, kiuj havas interalie bestformojn, trovighas ankau formo de florbrasiko, unikajho en Chinio.

E5 Hongluo-templo kaj la Granda Muro che Mutianyu

Ekiro: 08h30 Reveno: ch. 17h00

Prezo: 40 EUR

La templo Hongluo trovighas 50 km for de Pekino. Ghi konstruighis en 378 kaj ekspansiighis dum Tang-dinastio. Historie ghi estis budhisma sanktejo, loko de pilgrimado fare de japanaj kaj sudorientaziaj budhistoj, kaj lulilo de china chigong-o, multe honorigita de malnovepokaj imperiestroj. Oni nomas ghin la unua budhisma templo norde de Pekino.

La Granda Muro che Mutianyu trovighas je 70 km nordoriente de Pekino, inter profundaj valoj kaj krutaj monteghoj. La parto de la muro tie chi, kun longo de tri mil metroj, havas sur si 20 gvatturojn kaj estas unika pro siaj fortikajhoj, kaj konsilinda por tiuj kiuj volas eviti la homamason en tiu parto che Badaling.