Disdonado de propagandiloj kaj informiloj. Universala Kongreso estas la plej bona okazo por informi la movadan publikon pri iu nova iniciato, pri specialaj agadoj de via faka asocio, por reklami novan eldonajhon au revuon, fari donacon al chiuj kongresanoj, por anonci iun renkontighon, kursaron, varon. La plej efika maniero estas enmeti la informilon en dokumentujon kiun ricevas chiu kongresano. Tiu servo estas aparte pagenda (275 EUR), kaj necesas peti permeson de la Estraro de UEA por disdonado. Neniu dokumento rajtas esti distribuata en la kongresejo sen permeso de la Estraro.

Salonmendoj kaj standoj (budoj). Chiuj fakaj asocioj konataj al UEA ricevis salon-mendilon por sia kunveno dum la UK, se ili tion bezonas. Salonmendoj devas atingi la Centran Oficejon ghis la 1-a de marto de la Kongresa jaro.

Malfruajn mendojn oni traktas malprioritate, kaj eblas postuli por ili ekstran pagon. Salonon por kunveno ne povas mendi individuo (ekz. por prelego), sed nur asocioj. Se via asocio ankorau ne ricevis la mendilon, bv. peti ghin che la konstanta adreso. Asocioj, movadoj, firmaoj, eldonejoj, revuoj au grupoj kiuj volas aparte efike informi kongresanojn, disdoni broshurojn, kolekti kotizojn k.s., povas mendi standon dum la Kongreso (320 EUR). Tiujn budojn oni ne rajtas uzi por komercaj celoj (vendado de libroj, insignoj k.s.), sed jes por kolekti mendojn kaj donacojn.

Kongresa Libroservo. Universala Kongreso estas okazo ankau por aktualigi vian bibliotekon, achetante en la plej richa E-vendejo de la jaro: la Kongresa Libroservo. Multaj novaj libroj, interalie el la kongreslando mem, estos unuafoje lanchitaj en la Kongresa Libroservo, en kiu plurajn titolojn eblos acheti ankau kun speciala rabato. La Kongresa Libroservo havas ekskluzivan rajton vendi librojn kaj aliajn esperantajhojn dum la UK. Se vi au via asocio volas vendigi viajn eldonajhojn, necesas ke vi ofertu ilin al la Libroservo de UEA (CO) minimume tri monatojn antau la Kongreso.

Bazaro. La Kongresa Libroservo vendas ankau kasedojn, kompaktdiskojn, vidbendojn, monerojn kaj filatelajhojn, sed principe ne pretas vendi neesperantajhojn. Por tiaj varoj oni foje organizas Kongresan Bazaron. Interesitoj kontaktu la Centran Oficejon por peti pliajn detalojn. Ekster la Libroservo kaj la Bazaro oni ne rajtas vendi au kolekti monon por iu ajn celo.

Pagmanieroj. Estas diversaj kontoj kaj manieroj per kiuj oni povas pagi siajn Kongresajn mendojn. Elektu tiun kiu estas por vi la plej oportuna kaj plej malmultekosta. Tamen bv. noti ke la plej sekura kaj rapida vojo estas poshta au banka monghiro. Se vi mendas proksime al la limdatoj, bv. ankau noti ke pagoj al poshtaj kontoj ekster Nederlando (en Germanio, Svedio ktp) povas foje dauri ech unu monaton. Nepre konsideru malfermon de konstanta konto che UEA, char tio havas plurajn avantaghojn. Bonvolu chiam sendi pagojn kaj rilatajn mendilojn al la sama instanco. Kotizojn kaj donacojn al la bonfaraj kasoj oni prefere pagu al la landa peranto (vidu la liston de la oficialaj perantoj sur la interna dorskovrilo).

Pagojn por loghigo, ekskursoj, bankedo kaj flugbileto faru rekte al Universala Kongreso de Esperanto en unu el la jenaj manieroj:

- poshta ghirkonto: nederlanda konto 62 73 37 (ghiroficejo Den Haag) je la nomo de Universala Kongreso de Esperanto en Rotterdam.

- banko: per banka ghiro al konto 42.69.01.444 je la nomo de Universala Kongreso de Esperanto che ABN-AmRo Bank, Rotterdam.

- poshtmandatoj: sendu internacian au nederlandan poshtmandaton rekte al la konstanta adreso.

- UEA-konto: personoj kun suficha bonhavo che UEA povas sendi mendilojn kaj peti debeton al sia persona konto.

- monbiletoj: oni povas sendi monbiletojn (en euroj au valuto shanghebla al euroj) al la konstanta adreso, prefere en registrita koverto.

- al la poshtokonto en la nomo de Universala Esperanto-Asocio en:

Belgio: 000-1631831-97

Germanio: Koln 3182.91.509 BLZ 370 100 50

Svedio: 74374-0

Svislando: Bulle 12-2310-0.

Se vi pagos per banka cheko, bv. sendi ghin al la konstanta adreso (sube). La cheko estu en euroj. Pagante per banka ghiro au cheko de ekster Nederlando, nepre aldonu 9,50 eurojn por la bankkostoj. Prefere ne sendu chekojn kiuj ne estas titolitaj al unu el la bankoj en Nederlando. Kostoj por ili povas esti tre altaj. Ne forgesu chiam klare indiki la celon de via pago. Loghantoj de la Kongresa lando sendu mendilojn kaj pagojn al la kasisto de LKK.

N.B. UEA havas ankau aliajn bankkontojn, je dispono de la Asocio, do ne de la Kongresa Administracio (vd. Jarlibron 2003, p. 33-34). Prefere ne sendu Kongres-celajn pagojn al tiuj kontoj, char la traktado povas dauri pli longe.

Kreditkartoj. Eblas pagi ankau per kreditkartoj Visa, Eurocard, Mastercard, Access kaj American Express, indikante la numeron de la karto, la daton ghis kiam ghi validas, kaj la tri kontrolciferoj malantau la kartoj (CVC-numero).

En tiu kazo la pagata sumo tamen devas esti plialtigita je 5% pro administraj kostoj, tiel ke por grandaj sumoj estas konsilinde uzi alian pagomanieron.

Asekuro. La kongreskotizo ne inkluzivas asekuron kontrau akcidento au malsano de alighinto dum la Kongreso. Necesas do ke chiu alighinto zorgu mem pri tauga asekuro. La Kongreso mem ne repagas mendojn (ekz. por loghado, ekskursoj, bankedo), se la malmendo venas post la difinita limdato. Char temas pri relative grandaj monsumoj, estas konsilinde asekuri sin kontrau eventuala nepartopreno. Pri tio konsultu vian kutiman asekuriston.

Donacoj. La Kongreso bonvenigas donacojn por la chi-subaj celoj:

Adoptaj Gepatroj: subvencias partoprenon en la Internacia Infana Kongreseto de infanoj el landoj kun transpagaj problemoj.

Fondajho Canuto: helpas membrigon al UEA de esperantistoj el landoj kun transpagaj problemoj.

Triamonda Kaso: helpas al kongresanoj el triamondaj landoj.

Blindula Kaso: helpas al blindaj kongresanoj.

Volontula Fondajho: subtenas volontulan servon che la Centra Oficejo.

Ghenerala Kaso: por la ghenerala subteno al la organizado de la UK.

Mencio pri chiu donacinto aperos en la Kongresa Libro kaj en la revuo Esperanto.