Ghenerale. Bonvolu noti, ke la reguloj pri vizdonado malsamas lau landoj, kaj ke ili konstante shanghighas. Tial bv. nepre mem kontroli che la plej proksima kongreslanda diplomatia reprezentejo (bv. mem trovi ties adreson en via chefurbo au najbara lando), chu vi devas havi vizon, kaj sub kiuj kondichoj.

UEA kaj LKK ne povos helpi pri vizpetoj faritaj post la 1-a de majo 2004, kaj principe ne povos respondi al tiaj malfruaj petoj.

Se vi vizitas aliajn landojn, Honkongon au Makaon, bv. kontroli ankau pri la neceso havi vizon por tiuj landoj/regionoj kaj eventuale reeniran vizon al Chinio.

Listo de landoj kiuj bezonas vizon por Honkongo troveblas che:

http://www.immd.gov.hk/ehtml/hkvisas_4.htm (tamen bv. kontroli che la china ambasadejo chu la informo estas ghisdata).

Retpagho de Chinio pri turismo: http://www.cnta.com.

Retpagho de Honkongo: http://www.immd.gov.hk/index.html.

Retpagho de Makao, pri vizoj: http://www.macau.gov.mo.

La kongresanoj mem devas zorgi pri la akiro de vizoj. En escepte komplikaj kazoj oni povas peti helpon de UEA kaj LKK.

Datoj. Bv. noti, ke la invitletero povas teksti nur por la periodo de la oficiala kongresa dauro (24-31 de julio 2004, eventuale plus dauro de menditaj antau- kaj/au postkongresoj). Se vi bezonas pli longan restadon, tion vi devas aranghi private.

Konfirmiloj kaj invitleteroj. Normale la kongresa konfirmilo devus sufichi por pruvi la kongresanecon al la vizdona instanco. La konsulejoj povas postuli oficialan invitleteron, kiun UEA sendos se oni petas ghin, al alighintaj kongresanoj el vizbezonaj landoj. Al nealighintoj oni ne povas sendi invitleteron nek aliajn konfirmajhojn. Bv. konscii, ke nek UEA nek LKK povas influi la decidojn de la konsulejoj.

Mongarantio. Senkonsidere chu oni havas au ne la vizon, necesas pruvi che la eniro en la landon ke oni posedas sufichajn monrimedojn por la restado. Al kongresanoj kiuj mendis kaj pagis loghadon pere de UEA (au venas je aparta invito de UEA), oni povas sendi, se necese kaj lau peto, konfirmon pri pagitaj servoj. Tio povas parte kompensi la postulon pri posedo de sufichaj monrimedoj.

UEA kaj LKK ne donas financajn garantiojn al kongresanoj el nepagipovaj landoj. Kongresano mem devas pruvi al la vizdona instanco posedon de sufichaj rimedoj por restado en la kongresa lando.

Asekuroj. Unu el la postuloj por ricevi vizon estas akiro de asekuro, pri kio la kongresanoj zorgu mem. Ofte tute tauga asekuro estas achetebla che flughavenoj.