Gheneralaj kondichoj de mendoj. La kondichoj de mendoj kaj malmendoj estas priskribitaj dorsflanke de la mendilo kaj plurloke en la Dua Bulteno. Mendante, chiu kongresano akceptas tiujn kondichojn. Estas konsilinde legi ilin antau ol plenigi kaj sendi vian mendilon.

Loghdatoj. Kiel unuan loghdaton oni kalkulas la daton de la alveno al la hotelo (eklogho); se oni venas iam post noktomezo, kalkulighas la dato de la antaua tago. Kiel lastan daton oni kalkulas la daton de la forlaso de la hotelo (foriro; do, la daton de la lasta mateno en la hotelo).

Eniro kaj eliro. Principe, eblas okupi chambrojn post la tagmezo de la mendita dato kaj necesas forlasi la chambrojn ghis la tagmezo de la lasta tago. Hoteloj estas normale flekseblaj pri tio. Se vi ne okupas chambron dum la unua mendita tago, oni kutime nuligas la rezervon, kaj vi perdas la pagitan sumon.

Dulitaj chambroj kaj hazarda kunloghigo. La loghiga servo ne povas aranghi hazardan kunloghigon de nekonatoj, pro kio dulitajn chambrojn oni disponigas nur al duopoj kiuj anticipe interkonsentis pri kunloghado kaj menciis tion sur siaj mendiloj. Oni chiam fakturas la koston de plena chambro, do ech se la kunloghanto forestas dum iu(j) tago(j). Por faciligi al homoj kiuj nepre volas loghi en dulitaj chambroj sed ne havas kunloghanton, che la retpagho de la Kongreso (http://www.uea.org/kongresoj/uk_mendilo.html) troveblas anonctabulo por tiu celo.

Frueco de la mendo kaj alternativaj mendoj. Char la mendeblaj kapacitoj ne estas senlimaj, kaj precipe char la Kongreso okazas dum la turisma sezono, gravas mendi kiel eble plej frue, kaj ne eblas garantii la plenumon de la originala mendo chiam lau la preciza deziro de la mendanto. Tial che chiu mendo oni nepre menciu ankau alternativajn loghvariantojn. En la retpagho de la Kongreso eblas scii, kiuj hoteloj jam estas plenaj.

Pagoj. La mendojn oni traktos nur post la ricevo de la koncerna pago.

Ofertataj servoj. La chambroj de la menciitaj hoteloj (ne de la turisma servologhejo) havas telefonon, televidilon, dushejon (kelkaj ankau bankuvon) kaj necesejon. La prezo inkluzivas la matenmanghon, krom se menciite alie.

Limdatoj. La limdato por fari mendojn estas la 1-a de majo 2004. Mendojn post tiu dato oni plenumos nur escepte, ghis la 1-a de junio, kaj nepre kontrau aparta krompago (40 euroj). Pri malmendaj reguloj konsultu la dorsflankon de la mendilo.

Loghkonfirmoj. Minimume monaton antau la UK vi ricevos konfirmon pri via loghado, kun detalaj informoj pri via hotelo kaj aliaj kongresaj gravajhoj.

Prezoj estas en euroj (EUR) por unu persono por unu nokto.