La plejmulto de la hoteloj ofertataj al la kongresanoj trovighas je promendistanco de la kongresejo, en agrabla moderna kvartalo. Tiuj kiuj preferas loghi en unu el la hoteloj kiuj trovighas iom for de la kongresejo, povas atingi la kongresejon pere de publika transporto, au pere de la ekstreme malmultekostaj pekinaj taksioj. Chi-jare estas granda oferto de 3-stelaj hoteloj kun tre favoraj prezoj. Ankau la 4- kaj 5-stelaj hoteloj havas allogajn prezojn.

Handikapitoj kun apartaj bezonoj en la chambro bv. kontakti la Centran Oficejon antau ol mendi. Bv. noti ke la nombro de chambroj en la hoteloj ne nepre egalas al la nombro de chambroj kiujn UEA ofertas!

1. Continental Grand Hotel (4 steloj), la oficiala Kongresa hotelo, jhus renovigita, situas en la Vilagho de Azia Sportkunveno. Kun areo de 89 mil kvadrataj metroj, ghi konsistas el 17-etagha kaj 13-etagha domoj kaj estas interligita kun la kongresejo per interna koridoro. Luksaj chambroj kun chiuj facilajhoj de hotelo en tiu kategorio. Ghi havas pli ol mil chambrojn kaj 20 restoraciojn, kie oni povas ghui chinajn, europajn, japanajn kaj koreajn pladojn.

Adreso: Beijing, Andingmenwai, Beichendonglu 8.

Loko en chambro: unupersona 89 EUR, dulita 45 EUR.

2. Crown Plaza Park View Wuzhou Beijing (5 steloj) situas je kvin minutoj piedire de la kongresejo. Ghi havas 478 luksajn chambrojn kaj kompletan komercan servaron. Tie estas ankau drinkejoj, restoracioj chin- kaj europ-stilaj, kaj granda festenejo kun mil sidlokoj. Krom tio en la hotelo estas ankau naghejo, masagha sauno, beligejo kaj diversaj amuzejoj.

Adreso: Beijing, Chaoyang-distrikto, Beisihuanzhonglu 8.

Loko en chambro: unupersona 93 EUR, dulita 48 EUR.

3. International Hotel (5 steloj) situas en la komerca parto che Chang'anstrato, Pekino, kaj trovighas je 15 km de la kongresejo, je 20 minutoj taksie. De la Pekina Fervoja Stacio al la hotelo oni bezonas piediri nur dek minutojn. La hotelo, 29-etagha, havas luksajn apartamentojn dekoraciitajn lau malsamaj stiloj orientaj kaj okcidentaj. Ghi havas 1049 chambrojn unulitajn kaj dulitajn, chiuj klimatizitaj. En la hotelo estas televido en fermita cirkvito, bufedo, fridujo ktp.

Adreso: Beijing, Jianguomennei 9.

Loko en chambro: unupersona 85 EUR, dulita 43 EUR.

4. Catic Plaza Hotel (3 steloj) situas en la Vilagho de Azia Sportkunveno, je kvin minutoj piedire de la kongresejo. La hotelo havas diversajn restoraciojn kaj amuzejojn. Ghi ankau prizorgas konfidatajn infanojn kaj donas kuracan servon.

Adreso: Beijing, Andingmenwai, Beichendonglu 18.

Loko en chambro: unupersona 77 EUR, dulita 38 EUR.

5. Tibet Hotel (3 steloj), je 15 minutoj piedire de la kongresejo. Ghi havas 206 apartamentojn ekipitajn per centra klimatizado, satelita televido, kaj televido en fermita cirkvito. Tie funkcias diversaj restoracioj, kie ghueblas ankau tibetaj naciaj kantoj kaj dancoj.

Adreso: Beijing, Chaoyang-distrikto, Beisihuandonglu 118.

Loko en chambro: unupersona 61 EUR, dulita 30 EUR.

6. Ya Yun Cun Hotel (3 steloj) situas en la Vilagho de Azia Sportkunveno, je dek minutoj piedire de la kongresejo. Ghi konsistas el 400 apartamentoj ekipitaj per televidilo kaj komputilo kun altrapida konekto. En la chambroj oni povas ghui satelitajn televidajn programojn.

Adreso: Beijing, Beisihuanzhonglu 8.

Loko en chambro: unupersona 51 EUR, dulita 25 EUR.

7. Beijing Foreign Experts Building (4 steloj), je 20 minutoj piedire de la kongresejo, havas 192 apartamentojn (kun sidchambro, dormochambro, kuirejo, necesejo kaj dushejo) kaj 122 hotelchambroj. Tie estas sauno, masaghejo, naghejo, kafejoj, restoracioj chin- kaj europ-stilaj, vendejo, beligejo kaj aliaj servoj.

Adreso: Beijing, Chaoyang-distrikto, Beisihuanzhonglu Huayanbeili 8.

Loko en chambro: unupersona 50 EUR, dulita 25 EUR.

Loko en apartamento: unupersona 61 EUR, dulita 31 EUR.

8. Grand Hotel Yuanshan (3 steloj) situas en la Vilagho de Azia Sportkunveno, sude de la kongresejo kaj de la Ghardeno de Chinaj Etnoj, je kvin minutoj autoveture de la kongresejo. Tie estas sep restoracioj kun chinstilaj kaj europstilaj pladoj. La hotelo havas ankau tenisludejojn, sanigan centron, naghejon, saunojn ktp.

Adreso: Beijing, Xicheng-distrikto, Deshengmenwai, Yumindongli 20.

Loko en chambro: unupersona 46 EUR, dulita 23 EUR.

9. Cheng Hong Hotel (3 steloj) situas oriente de la Vilagho de Azia Sportkunveno, je 20 minutoj piedire de la kongresejo. Chambroj kun normalaj individuaj litoj kaj ankau grandmezuraj litoj. Ghi havas salonon kun 300 sidlokoj kaj kvar kunvenejojn, taugajn por komercaj intertraktadoj kaj artaj prezentoj. La restoracio liveras chefe Hubei-stilajn pladojn.

Adreso: Beijing, Yayuncun, Anhuidongli 17.

Loko en chambro kun normalaj litoj: unupersona 46 EUR, dulita 23 EUR.

Loko en chambro kun unu grandmezura lito: unupersona 44 EUR, dupersona 21 EUR.

10. Wenbo Plaza (3 steloj) situas che la Vilagho de Azia Sportkunveno, je 15 minutoj piedire de la kongresejo. Tie la publika trafiko estas facila. La hotelo havas 84 chambrojn, ekipitajn per centra klimatizado, televido en fermita cirkvito, kaj internacia telefono. En la 17-a etagho estas salono kun 150 sidlokoj, kaj en la 5-a kaj 8-a etaghoj estas po unu kunvenejo kun 30 sidlokoj. Prezo ne inkluzivas matenmanghon.

Adreso: Beijing, Beisihuandonglu, Gaoyuanjie 2 (A).

Loko en chambro: unupersona 31 EUR, dulita 15 EUR.

11. Shengli Hotel (3 steloj) situas che la norda akso de Pekino. Ghi havas 252 chambrojn, inter ili estas normalaj dulitaj hotelchambroj kaj ankau kvinlitaj apartamentoj (chambro kun du kaj alia kun tri litoj, plus necesejo/dushejo). En la hotelo estas salono kun 500 sidlokoj, 11 mezgrandaj kaj malgrandaj kunvenejoj, kaj nau restoracioj. Unu- kaj dulitaj chambroj kun matenmangho, kvinlitaj apartamentoj sen matenmangho.

Adreso: Beijing, Deshengmenwai, Beishatan 3.

Loko en chambro: unupersona 28 EUR, dulita 14 EUR, kvinlita apartamento 9 EUR.

12. Ya Cheng Hotel (3 steloj), situas sudoriente je 30 minutoj piedire au dek minutoj automobile de la kongresejo. La hotelo povos liveri 20 normajn chambrojn kaj 50 tri-litajn chambrojn (ekstra lito aldonita al dulita chambro), entute 190 litojn. Chiuj chambroj estas ekipitaj per tualetejo, klimatizilo, televidilo en fermita cirkvito, kaj fridujo. La hotelo havas restoraciojn chinstilan kaj europstilan, komercan centron, kegloludejon kaj kunvenejon. Prezo ne inkluzivas matenmanghon.

Adreso: Beijing, Chaoyang-distrikto, Huixindongjie 21.

Loko en chambro: unupersona 21 EUR, dulita 11 EUR, trilita 9 EUR.

13. Huiyuan Apartment situas en la Vilagho de Azia Sportkunveno. Ghi distancas de la kongresejo je kvin minutoj piedire. Ghi konsistas el tri 13-etaghaj, tri 17-etaghaj kaj du 14-etaghaj domoj. Tie estas apartamentoj ekipitaj per kuirejo kaj diversaj hejmaj aparatoj. Eblas mendi nur kvar- au sespersonajn apartamentojn, chiuj kun individuaj litoj. Proksime de ghi estas hospitalo, vendejoj kaj amuzejo. Prezo ne inkluzivas matenmanghon.

Adreso: Beijing, Andingmenwai, Beichendonglu 8.

Loko en apartamento: kvarpersona 16 EUR, sespersona 13 EUR.

14. Nova Dadu Junulara Turisma Servo situas en Xicheng-distrikto de Pekino kun ties facila trafiko. La servo havas klimatizitajn chambrojn kun ses kaj ok litoj respektive, entute 320 litoj. Tie estas publikaj dushejoj, klozetoj, memservaj kuirejoj, vestolavejoj, amuzejoj, publikaj telefonoj ktp. Prezo ne inkluzivas matenmanghon.

Adreso: Beijing, Xicheng-distrikto, Chegongzhuangdajie 21.

Loko por persono: 8 EUR.