Chi-kongrese la oferto de antau- kaj postkongresaj ekskursoj estas granda. Ne povus esti alie en tiel pejzagh- kaj kulturricha lando. La prezoj estas konsiderinde malaltaj, sed la kvalito estas same alta kiel en antauaj Kongresoj. La antau- kaj postkongresaj ekskursoj inkluzivas transporton inter la vizitataj urboj, inkluzive la flugojn. Bv. atenti ke la antaukongresaj ekskursoj povas komencighi ne nepre en la urbo kien vi alvenas en Chinio, kaj ke la postkongresaj ekskursoj povas ne nepre finighi en la urbo de kie vi devas reflugi hejmen! En tiuj kazoj la kongresanoj mem devas aranghi tiujn flugojn inter la alvenurbo kaj la urbo kie komencighas la antaukongresa ekskurso, kaj/au la flugon inter la urbo kie finighas la postkongresa ekskurso kaj la urbo de kie vi forflugos el Chinio. UEA kaj CITS, la oficiala vojaghagentejo de la Kongreso, pretas helpi mendi tiujn flugojn se necese. Bv. kontakti UEA en tiuj kazoj.

Pri la ekskursoj:

- Chiuj ekskursoj havos minimume dek membrojn. Se estos malpli ol dek membroj, tiam la prezoj altighos au la koncerna ekskurso estos nuligita, kaj la kongresanoj estos informitaj ghustatempe pri tio, antau la ekskurso kaj kun la shanco shanghi au nuligi.

- Loghado estos en hoteloj almenau 3-stelaj (au samnivela gastejo) kun matenmanghoj.

- Tagmanghoj kaj vespermanghoj estos servataj en restoracioj por turistoj, lau kutima normo por vizitgrupo (la prezo inkluzivas ilin). Sed en Lhasa la tagmangho kaj verspermangho estos en la hotelo, denove lau kutima normo por vizitgrupo.

- La kosto inkluzivas pagojn por interurba trafikado, flugoj (inkluzive la flughavenajn impostojn), trajno kaj autobuso, sed ne inkluzivas pagon por flugo(j) post la fino de la ekskurso.

- La antaukongresaj ekskursoj ne inkluzivas transporton de la flughavenoj al la hoteloj antau la komenco de la ekskurso (unua tago). Chiuj kongresanoj devas mem aranghi kaj pagi por tiu transporto! La prezo inkluzivas la transportojn post la komenco de la ekskurso (ekde la dua tago).

- La karavanojn akompanos chicheronoj de la China Internacia Turisma Servo kaj Esperanta chicherono dum la tuta vojagho. Turismaj agentejoj de la vizitotaj lokoj disponigos lokajn chicheronojn.