4 obei Plenumi ordonon, fari laŭ alies volo, deziro.

5 objekto 1 Ĉio, kio prezentas sin al niaj sensoj. 2 Ĉio abstrakta, kiu prezentiĝas al nia spirito. 3 Ĉio, kio okupas la spiriton, kio estas celo de pensa laboro. 4 Ĉio, kio estigas ian senton, kio liveras okazon al ia ago. 5 Parto de frazo, kiu ricevas la agon de la verbo.

1 -obl- Suf. signifanta, ke la priparolata objekto enhavas ĝuste ian kvanton kiomfoje, kiom montras la radiko: du~o, tri~a, du~igi, du~e tri estas ses.

5 ofico Okupo, profesio, konsistanta en plenumo de publika aŭ privata servo.

1 ok Unu kaj sep.

4 okcidento Parto de la horizonto, kie la suno subiras.

5 oktobro La deka monato de la jaro.

3 okulo Organo sub la frunto, ambaŭflanke de la nazo por rigardi kaj vidi.

3 okupi 1 Preni en posedo iun lokon. 2 Teni en posedo iun lokon aŭ tempon. 3 Tiri al si atenton, intereson, aktivecon de iu.

1 ol Konj. Uzata post supereca aŭ malsupereca komparativo, por kunigi du samnaturajn komparitaĵojn.

6 oleo 1 Grasa likvaĵo. 2 Tiu substanco rigardata kiel simbolo de dolĉeco, mildeco, vivofacileco. 3 Ŝtonoleo.

5 ombro 1 Loko malheligita de io kiu baras lumon. 2 Malhelaĵo per kiu pentristo imitas naturan ~on. 3 Tiu malheleco rigardata kiel simbolo de malgajeco, malfeliĉo k.s.

1 -on- Suf. Uzata post numeralaj radikoj por elfari vortojn signifantajn unu el tiom da partoj kiom montras la radiko.

6 ondo 1 Arkforma akvomaso, kiu leviĝas kaj refalas ĉe la supraĵo de rivero, maro aŭ lago. 2 Tio, kio prezentas tian alternan leviĝon kaj malleviĝon. 3 Tio, kio progresas per sinsekvaj antaŭeniĝantaj linioj, per interrompitaj masoj. 4 Provizora interesiĝo de la sento, influo, fenomeno. 5 Perioda oscilo de la elementoj de medio, trafitaj je difinita momento, de progresanta vibrado.

1 oni Nedifinita persona pron. signifanta “iu; la homoj; multaj homoj aŭ kelkaj personoj”.

4 onklo Frato de la patro aŭ patrino.

1 -ont- Suf. de la aktiva futura participo, signifanta, ke la ago aŭ stato estas ankoraŭ ne komencita, sed intencata aŭ atendebla.

4 opinii Kredi, ke iu aŭ io estas ia; pensi, ke io havas ian econ.

4 oportuna 1 Facile uzebla, pro bona adaptiĝo al la destino. 2 Faciliganta ian agon, faron pro sia ĝusta konveneco.

4 oro 1 Peza brila flava metalo tre valora. 2 Monabundo, riĉeco. 3 Valorega bonega afero.

4 oranĝo Ruĝflava frukto dolĉacida de ~arbo, kiu kreskas en varmaj landoj.

4 ordo 1 Regula maniero laŭ kiu la aferoj estas aranĝitaj aŭ devas okazi nature aŭ normale, kutime: laŭ la alfabeta ~o, la ~o de la aferoj. 2 Maniero en kiu la objektoj sekvas unu alian: Se ĉiu balaos antaŭ sia pordo, tiam en la tuta urbo estos ~o. 3 Reguloj de sintenado kaj procedo, akceptitaj de parlamento aŭ kunveno kaj aplikataj de ĝia prezidanto: tagordo de kunveno.

5 ordinara 1 Ĉiutaga, kutima, ne diferencanta de la plimulto el la okazoj. 2 Ne supera al la komuna nivelo, sendiferenca de la normala grado.

4 ordoni Diri, ke oni faru ion.

4 orelo La organo por aŭskulti kaj aŭdi. La homaj oreloj sidas ambaŭflanke de la kapo.

4 organo 1 Parto de animalo aŭ vegetalo por ia funkcio. 2 Ĉiu parto de maŝino kun speciala funkcio. 3 Speciala periodaĵo de societo, partio, ligo por informado kaj esprimo de opinioj.

6 organizi Kunordigi anojn aŭ partojn en tuton por plenumi difinitan funkcion.

6 oriento 1 La parto de la horizonto, ĉe kiu leviĝas la suno, laŭ kiu oni kutime sin direktas. 2 Parto de la terglobo en tiu direkto. ~i 1 Determini la situacion de iu aŭ io. 2 Bazi konstruaĵon, turnante ĝian fronton al ~o.

7 origino 1 Punkto, de kiu io evoluis kaj disvolviĝis. 2 Loko, medio, en kiu naskiĝis homo aŭ homgrupo.

4 ornami Beligi per aldono de objektoj.

4 osto Fortika diversforma malmolaĵo en la korpo de animaloj.

1 -ot- Suf. de la pasiva futura participo, esprimanta agon aŭ staton ankoraŭ ne komencitan, sed intencatan aŭ atendeblan.

4 ovo 1 Ronda aŭ ovala korpo demetita de birdo, fiŝo, insketoj, enhavanta ĝermon de samspeca animalo. 2 ~o kun malmola ŝelo de kokino, anasino, k.s. por manĝo.