8 rabi 1 Per forto aŭ minaco forpreni ies havaĵon. 2 Perdigi ion karan al iu: Maltrankvilo ~as al li la dormon.
|
Kies mano malplenas,
Tiu rabi deziras. |
Kiu rabi eliras,
Ofte nuda revenas. |
9 rabato Malaltigo de la prezo fare de la vendanto al la aĉetanto.
|
Okaze de la festotago,
Montriĝis sur la vendejflago: |
Rabaton dekprocentan ĝuos
La aĉetantoj je la pago. |
9 racio Kapablo de la menso por pensi logike, malkovri kaj formuli la leĝojn de la universo kaj laŭ ili fari ilojn kaj maŝinojn.
|
Homo sen racio,
Taŭgas por nenio. |
Kiu racie agas,
Al li cedas ĉio. |
5 radio 1 Rektlinia mallarĝa lumstrio, kiu eliras el la suno, lampoj kandeloj k.s. 2 Ĉiu el la rektliniaj elsendaĵoj de ia ajn senluma fonto de energio: iks~oj, alfa~oj, beta~oj. 3 Radiuso. 4 unu el la stangoj kunigantaj la centran parton de rado kun la radringo. 5 Io, kio iras de iu centra punkto, disiĝanta kiel la ~oj de rado.
|
La sunradioj nin favoras,
Pro ili rozoj bele floras. |
Se sunradiojn ni ne havus,
Nenio la vivaĵojn savus. |
9 radiatoro 1 Aparato, kiu disradias varmon per tubaro. 2 Aparato, kiu malvarmigas motoron per cirkulanta akvo.
|
En urbo ĉe la ekvatoro,
Utilas ne radiatoro, |
Ĉar tie estas ja varmege,
Glacio plaĉas, ne vaporo. |
9 rafano (Raphanus) Legomo kies dika tubera radiko estas manĝebla.
|
Proverbo diras, ke rafano
Utilas multe al la sano. |
Se vi rafanon ofte prenas,
Malsano al vi ja ne venas. |
3 rajto Povo pravigita de leĝo, statuto aŭ moroj postuli agon, disponi kaj uzi aĵojn aŭ postuli ion de aliuloj.
|
La rajtoj estas neegalaj,
Superas rajtoj generalaj. |
Por popolanoj kaj soldatoj
Sufiĉas rajtoj nominalaj. |
3 rakonti Parole aŭ skribe sciigi okazaĵon en detalo.
|
La edzon ŝi renkontis,
Kaj ĉion ŝi rakontis |
Pri sia amperfido,
Neniom ŝi ekhontis. |
4 rampi 1 Sin movi per kuntiriĝo kaj etendiĝo de sia korpo: Vermoj ~as. 2 Sin movi antaŭen aŭ supren surventre per la helpo de la fleksiĝo de la membroj. 3 Malrapide antaŭeniĝi: La tempo iafoje flugas, iafoje ~as kiel vermo.
|
Piedojn ne havas la serpentoj,
Rampadas tra truoj kaj tra fendoj. |
Se ilin atakas malamiko,
Defendas sin ili per la dentoj. |
9 rano Senvosta besteto, kiu vivas en akvo kaj sur tero kaj blekas kvak-kvak-kvak!
|
Ranoj vivas en rivero,
Ranoj viglas sur la tero, |
Ranoj manĝas fiinsektojn,
Ranoj estu en prospero. |
8 rango 1 Grado, ĉe kiu staras iu persono en difinita klasifiko de pozicioj: oficisto de alta ~o. 2 Grado, ĉe kiu staras iu aŭ io en skalo de graveco: Plasto jam fariĝis materialo de la unua ~o, kiel ŝtalo aŭ ligno.
|
Altranga estas generalo.
Li estas grava en batalo. |
Sed la soldatoj sturmas fronte,
Minacas ilin morta falo. |
2 rapida 1 Povanta iri longe aŭ fari multe en mallonga tempo: ~a ĉevalo, trajno, plumo, verkisto. 2 Farata aŭ okazanta en malmulte da tempo: ~a laboro, progreso, movo.
|
Li estas monavida,
En agoj tre rapida. |
Li tamen malsukcesis,
Ĉar estas li senvida. |
4 raporti 1 Veni al iu kaj ripeti tion kion oni aŭdis. 2 Alporti al superulo novaĵon, kiun oni vidis, aŭdis aŭ spertis. 3 Deklari, mencii: Sinjoro leŭtenanto, diris Ŝvejk, obeeme mi ~as, ke mi estas denaska idioto. 4 Fari al aŭtoritata persono aŭ publiko oficialan aŭ formalan resumon kun klarigoj kaj konkludoj de studo, esploro, analizo ks pri difinita afero. 5 Fari priskribon de okazintaĵo por gazeto.
|
La princino ofte sportis,
Kaj subite ŝi abortis —
Ĉar ŝin l’ edzo-lordo tordis, |
Tial ŝi tre juna mortis.
Tamen pri la vera kaŭzo
La ĵurnaloj ne raportis. |
9 raŭka Kun voĉo malklara kaj obtuza pro malvarmumo, tro longa kaj laŭta parolo aŭ kriado.
|
Tro multe li parolis,
Raŭkiĝis lia voĉo. |
Neniu lin konsolis,
Pro lia kri-riproĉo. |
9 raŭpo 1 La larvo de papilioj . 2 Fermita ĉeno el larĝaj ŝtalplatoj kun elstaraĵoj rondiranta ĉirkaŭ la radoj de tanko ks. pezaj veturiloj, por faciligi veturadon ne sur vojo.
|
Sin nutras raŭpo per folio,
Elbuŝe silkon ĝi eltiras, |
Kaj poste iĝas papilio
Kaj tiam ne plu rampe iras. |
1 re- Pref. montranta: 1 Denovan venon al la loko, de kiu oni foriris, aŭ al la stato, de kiu oni deiris = returne: ~veni, ~bonigi, ~doni. 2 Ripeton = denove: ~diri, ~lerni, ~legi. 3 Ripeton de ago, kies rezulto iel troviĝis parte aŭ tute neniigita: ~formi, ~konstrui.
|
Li eliris kaj revenis,
Ĉar la ĉapon li forgesis. |
Li ĝin trovis kaj reprenis,
Ĝin surmetis kaj karesis. |
9 reakcio 1 Konservativa politika agado kontraŭ progresemo por revivigi la pasintan staton de la aferoj. 2 Organisma ago kontraŭ la efiko de ago atinginta. 3 Efiko de substanco sur alia kunmiksita substanco. 4 Antaŭenmovo, estigita sen meĥanika perilo (kiel radoj, rimenoj ktp), sed per ellaso de la kvanto de movo al la malantaŭo.
|
Por progreso de l’ socio
Levas sin revolucio. |
Sed rezistas al ĝi l’ forto
De l’ obstina reakcio. |
9 reala 1 Vere ekzistanta, ne imagata, ne ŝajna. 2 Havanta la ecojn de ĉio materia, ne ideala. 3 Koncernanta aĵon 4 Pozitiva aŭ negativa aŭ nula (nombro).
|
Esperanto, ideala
Solvo de l’ problem’ reala |
De komunik’ internacia,
Venku en konkurs’ finala. |
9 recenzi Artikoleto pri freŝa verko de literaturo, teatro, muziko ks. por ĝin rekomendi, prezenti aŭ kritiki.
|
Recenzo pri la verk’ aperas.
Kritikoj ĝiaj tro severas. |
Kial recenzi malfavore?
Maljuston oni ne toleras. |
9 redakti 1 Kontroli, korekti, prilabori verkaĵon por pretigi ĝin por publikigo.: ~i vortaron, oficialan akton. 2 Direkti eldonadon de ĵurnalo, gazeto, revuo, bulteno ks. elektante por ĝi artikolojn, ilin polurante kaj reviziante.
|
Li estas redaktoro,
Redaktas li gazeton. |
Ĝis tre malfrua horo,
Li uzas interreton. |
9 redukti 1 Malgrandigi la proporciojn , dimensiojn, gravecon ks, konservante tamen la ĝeneralan originan strukturon: ~i la produktokoston. 2 Alkonduki al malpli bona stato: ~i iun al mizero. 3 Malaltigi la ŝtupon de oksidiĝo, aŭ la pozitivan valenton: ~i kupran oksidon al kupro.
|
Por malaltigi l’ prezojn,
Reduktu ni elspezojn. |
Se l’ prezojn ni reduktos,
Atingos ni sukceson. |
4 reflekti Reĵeti aŭ alidirektigi lumon aŭ varmon.
|
Reflektas sonon muro,
Kaj lumon la spegulo. |
De mur’ aperas eĥo,
Kaj en spegul’ figuro. |
9 re-formi Doni alian pli bonan formon al io: ~i registaron, agrikulturon.
|
Ni reformu la socion,
Ke ĝi sekvu la racion, |
Prosperigu progresemon
Kaj subpremu reakcion. |
3 regi 1 Plene estri super aliaj, agigi laŭ sia volo, havi komandan povon super aliaj: ~i super popolo; ~i entreprenon. 2 Obeigi, direkti laŭ sia volo: ~i ĉevalon, situacion. 3 Iom daŭre kaj vaste estadi, ĉesigante aliajn sentojn, fenomenojn ks: ~is terura bruo, nokto, vigla trafiko.
|
Kiu lingvon regas,
Tiu bone legas. |
Kiu multe legas,
Tiu do kleregas. |
4 regimento Armea trupo el kelkaj batalionoj sub la komando de kolonelo.
|
La estro de la regimento
Ripozas eĉ ne por momento. |
Por bone fari sian taskon,
Li vigladas kiel vento. |
5 regiono Parto de lando aŭ spaco kun karakterizaĵoj.
|
En ĉiuj regionoj
Aktivas la friponoj, |
Spite al la klopodoj
Policaj laŭ bezonoj. |
5 reĝo 1 Regnestro kun krono, malpli altranga ol imperiestro. 2 La plej grava aŭ forta ulo en sia speco. 3 Ĉefa ŝaka peco. 4 Speco de karto.
|
Sur altaj montoj estas krestoj.
La tigro estas reĝ’ de l’ bestoj. |
Por brava homo, glora nomo;
Por reĝo, specialaj vestoj. |
4 reĝimo 1 Politika sistemo, laŭ kiu estas regata la ŝtato. 2 Sistemo, laŭ kiu estas administrata ia organizo.
|
Ŝanĝiĝis la reĝimo,
Neniom la animo. |
Antaŭe pravis pugno,
Nun restas la kutimo. |
5 rekta 1 Konservanta ĉiam unu saman direkton; simila al streĉita ŝnuro: ~a bastono, vojo. 2 Kuranta sen interrompo: ~a vagonaro. 3 Senpera, funkcianta sen interveno de perilo: ~aj rilatoj, imposto. 4 Ne akompanata de prepozicio aŭ postpozicio: la ~an objekton montras akuzativo.
|
La aŭtovojo du-direkta,
Estas larĝega, tute rekta. |
Ĝi taŭgas por veturi nokte,
Kun ekipaĵo sendifekta. |
9 rektangulo Ortangulo.
|
La placo estas rektangulo,
Kun floroj plaĉaj al okulo. |
Popolamaso ŝatas tie
Promeni pare por plezuro. |
9 relativa Rigardata kompare kun aliaj similaj, ne absoluta: La sukceso estas ~a.
|
En parko relative bela,
Sur la plafono bluĉiela, |
Palpebrumadas la okuloj
De la kvieta rondo stela. |
5 religio Sistemo de kredo pri supernatura reganto de la universo kaj ekzisto de la animo post la morto.
|
Mi ne kredas ian dion,
Mi ne kredas religion. |
Nur per nia kunagado
Ni bonigu la socion. |
9 reno Organo en formo de granda fabo por estigi urinon.
|
Ĉiu homo havas renon
Por plenumi urin-drenon. |
Se la renoj ne funkcius,
Tio kaŭzus urinvenenon. |
9 rendevuo Interkonsento de homoj por renkontiĝi en difinita loko je difinita horo.
|
Agrabas birdaj kantoj,
Murmure fonto fluas. |
En parko geamantoj
Ĉe floroj rendevuas. |
3 renkonti 1 Veni al iu vizaĝo-kontraŭ-vizaĝe. 2 Trovi antaŭ si en vivo, legado, socio ks. 3 Reagi iamaniere al okazaĵo: La publiko ~is tiun ideon kun malkonfido.
|
Se renkontos vi problemon,
Nepre havu malcedemon. |
Per penado kaj persisto
Solvu ĝin, ne faru ĝemon. |
9 rento 1 Perioda enspezo de proprietulo, kiun li ricevas de farmanto por la uzado de la grundo, domo kaj maŝinoj. 2 Jara profito de investita kapitalo.
|
Farmulo luis, laŭ konsento,
Terpecon kontraŭ jara rento |
Dudekprocenta de l’ rikolto,
Vivaĉis malgraŭ diligento. |
2 respondi 1 Diri kion oni pridemandas. 2 Reciproki per letero. 3 Esti proporcie, simetrie akordita kun. 4 Antaŭdevigi sin porti la sekvojn de propra aŭ aliula ago.
|
La edzo demandas:
“Nun kion vi frandas?” |
L’ edzino respondas:
“La fiŝo malgrandas.” |
2 resti Senŝanĝe, daŭre esti.
|
Falis la folioj,
Restas la branĉaro. |
Ili reverdiĝos,
En venonta jaro. |
4 rezoni 1 Logike kunmeti argumentojn kaj tiri el ili konkludon: Ne ~u pri tio, kio estas ekster via metio. 2 Prezenti pli-malpli logikajn argumentojn, por ne obei: Ne ~adu! Petu lin pri pardono, kiel mi diras al vi.
|
Se l’ mastro al Petro ordonas,
Li ofte spiteme rezonas. |
La mastro ja tion malŝatas,
Ne l’ malobeemon pardonas. |
4 ribo 1 Arbeto kun mane ripaj larĝaj folioj kaj grapoloj de floroj kaj beroj nigraj aŭ ruĝaj manĝeblaj. 2 Bero de ~o.
|
Mi plantis ribon en somero
Kaj ĝin flegadis kun espero. |
Mi ĝin akvumis. Ĝi ekfloris
Kaj donis berojn en prospero. |
2 ricevi 1 Fariĝi posedanto de io: Por la servo vi ~os pagon. 2 Esti tuŝata de io abstrakta kaj esti iel modifita de ĝi: De la promenado li ~is bonan apetiton 3 Esti trafita de io: ~i punon, insulton, laŭdon.
|
Li pri infano multe revis,
Kaj filineton li ricevis. |
Ŝi delikatis, malsanemis,
Ŝin flegi zorge do li devis. |
2 riĉa 1 Posedanta multe da propraĵo. 2 Karakterizita per sia granda valoro, sia alta prezo: ~a palaco, meblaro, muzeo. 3 Abunda je materia valoraĵo: ~a rikolto. 4 Donanta impreson de abundeco, pleneco, profundeco: ~aj koloroj, salonoj.
|
La najbaro estas riĉa
Kaj kun ĉio tre sufiĉa. |
Sed li vivas maltrankvile,
Do li estas nefeliĉa. |
3 ridi 1 Montri subitan gajecon per la buŝo kaj vizaĝo, ofte kun ĝoja voĉbruo: Plej bone ~as, kiu laste ~as. 2 Montri agrablan, feliĉan aŭ bonvenigan aspekton: Ŝiaj okuloj ~is. 3 Moke esprimi sian malŝaton: Mi ~as lian naivecon.
|
La miopul’ ĉe l’ frato sidis,
Sed nenion klare vidis. |
“Kie forestas mia frato?”
Demandis li kaj ĉiuj ridis. |
3 rigardi 1 Direkti siajn okulojn al io por vidi: Li longe ~is ŝin. 2 Esplori per la okuloj por informiĝi: ~u, pro kio tia bruo. 3 Atribui en sia spirito ian econ al iu aŭ io: Oni ne povas rigardi tiujn faktojn neekzistantaj.
|
Li rigardas al la luno,
Rememoras pri la juno, |
Kiam li kunestis kun ŝi,
Dum la Fest’ de Mezaŭtuno. |
4 rigida 1 Ne aŭ nur malfacile fleksebla. 2 Obstine necedema.
|
Liaj membroj jam rigidaj,
Liaj paŝoj malrapidaj. |
Liaj pensoj tamen viglaj,
La okuloj klare vidaj. |
4 rimo Samsoneco inter du aŭ pluraj vortoj, de la akcenta vokalo kaj la sekvantaj son-elementoj, kiel ekzemple: iri diri, oro koro, rapide rigide.
|
Ni scias, ke promeso
Rimiĝas kun forgeso. |
Memoru ke memoro
Ja estas en neceso. |
3 rimarki 1 Vidi kaj aparte atenti: Oni ~is vian foreston. 2 Diri atentigante: La mastro ~is: Mi ne pagos al vi hodiaŭ, sed morgaŭ.
|
Se vi rimarkis jam eraron,
Ĝin tuj korektu sen hezito. |
Progres’ postulas tian faron,
Korekton sekvas ja profito. |
3 rimedo 1 Io uzata por atingi celon: Lingvo ne estas celo sed ~o. 2 Io por ripari malbonon: Kontraŭ kancero ne estas sufiĉe bona ~o.
|
Kial lacigi la piedojn
Anstataŭ uzi la rimedojn |
Transportajn: aŭtojn, ŝipojn,
Aviadilojn kaj raketojn? |
4 rimeno Mallarĝa bendo el ledo, kaŭĉuko, plasto k.s., uzata por ligi, fiksi aŭ transmisii movon de rado al rado.
|
Por si aĉetis li azenon
Kaj krome ankaŭ ledrimenon. |
La bruton li kondukis per ĝi,
Por tiel fari hejmrevenon. |
5 ripeti 1 Rediri aŭ refari ion: Kiu ~as abunde, lernas plej funde. 2 Senutile diri aŭ fari denove la samon, anstataŭ ion novan: La historio sin ripetas.
|
Ni uzu aparaton
Por fari ripetadon. |
Ĝi estas tre efika
Por helpi la lernadon. |
4 ripozi 1 Resti nenifare por refreŝigi siajn fortojn: Kiu troe ~as, baldaŭ almozas. 2 Resti morte kuŝanta: Sub la palmoj li ripozas por eterne.
|
En tagoj ni deĵoras,
En noktoj ne laboras |
Sed dormas por ripozo,
Ripozo tre valoras. |
4 riveli 1 Aperigi, malkovri ion sekretan. 2 Aperigi bildon de foto en filmo per kemia rimedo.
|
La verko nur rivelis
La historian veron, |
Ke l’ sklavoj ja ribelis
Por fini la suferon. |
4 rivero 1 Natura akvofluo iom granda: Nilo, Jangzi kaj Misisipo estas grandaj ~oj. 2 Io simila al ~o: Homaj ~oj plenigis la stratojn.
|
Birdoj flugas en l’ aero,
Homoj vivas sur la tero, |
Tigroj viglas en arbaro,
Fiŝoj vivas en rivero. |
9 riverenci Respekte klini sian trunkon aŭ fleksi siajn genuojn.
|
Deprunti monon li intencis,
Al la riĉulo riverencis, |
Sed malgraŭ lia ĝentilgesto,
La riĉa prunti ne tendencis. |
9 rivoluo 1 Rotacio de 360° ĉirkaŭ akso. 2 Movo, per kiu astro revenas al sia origina pozicio.
|
Por rivoluo ĉirkaŭ l’ suno
La ter’ bezonas kvar sezonojn, |
Sed rivoluo de la luno
Ĉirkaŭ la tero nur trionon. |
4 rompi 1 Dispecigi per forto. 2 Perforte difekti: ~i al si la kolon, la rivero ~is la digojn. 3 Meti ion en malfacilegan staton: ni ~is al ni la kapon. 4 Malobservi: ~i sian promeson, kontrakton, leĝon. 5 Ĉesigi la kontinuecon de io: ~i la silenton, la ekvilibron, la pacon. 6 Venke superi: ~i rekordon, obstinecon. 7 Ĉesigi la rilatojn kun iu: ~i kun sia amatino, la kutimo.
|
Ni rompas ŝtonojn per martelo,
Ni rompas pizojn per muelo, |
Ne rompu leĝon per ekŝtelo,
Ne rompu ordon per ribelo. |
4 rondo 1 Pli-malpli regula cirklo: Ili sidas en ~o; La enfalinta ŝtoneto faris ~ojn en la lago. 2 Grupo da homoj kun komuna intereso: ~o de esperantistoj.
|
Nia Esperanto-rondo
Viglas en la korespondo |
Kaj akiris geamikojn
En dek landoj de la mondo. |
4 roso Akveroj el humida aero aperintaj nokte sur plantoj.
|
Sur herboj roso brilas,
Sur arboj birdoj trilas. |
La sun’ matena ruĝas,
La tuta mond’ trankvilas. |
4 rozo 1 Tre vaste kulturata florarbeto kun dornoj kaj dentoradaj folioj, helkoloraj kaj aromaj floroj. 2 Floro de ~o.
|
Ĉarmaj rozoj ravas,
Ili dornojn havas. |
Kiu sin defendas,
Ne perforton trafas. |
4 rubando 1 Longa mallarĝa teksaĵo por ornamo. 2 Kolora ~o uzata kiel rekonilo, atesto , signo ks. 3 Io kun la formo de ~o.
|
La membroj de la muzikbando
Signitaj brake per rubando, |
Fervore ludas viglan marŝon,
Starante ĉe la stratorando. |
2 ruĝa 1Sangkolora. 2 Maldekstra, revolucia: la ~a flago, la R~a Armeo, la R~a Helpo.
|
La suno ruĝas ĉe l’ vespero.
Batalo bolas ĉe l’ rivero. |
La fluo ruĝas pro la sango,
Kadavroj svarmas sur la tero. |
9 ruino 1 Restaĵo de disfalinta konstruaĵo k.s. 2 Tio, kio restas el malaperinta organizo, sistemo ks.
|
Ĉe l’ ruino ni silentas,
Kaj ĉagreno nin turmentas. |
Pro l’ detruo far tertremo,
Ni suferojn antaŭsentas. |
5 ruli 1 Movi ion turnante ĝin ĉirkaŭ ĝia akso: ~i barelon. 2 Moviĝi donante la impreson de ~ado: La maro ~is ondegojn sur la bordon.La urbego ~adis bruojn.
|
Ruliĝis rokoj de sur monto
Malsupren al la fervoj-ponto, |
Kaj ĝin difektis serioze --
Ĝi ne uzeblos en l’ estonto. |
4 rusto 1 Brunaĵo sur feraĵo pro malseka aero. 2 Malsano de planto kaŭzita de parazitfungoj.
|
Rustorezista ŝtalo
Taŭga materialo |
Por fari ĉiajn ilojn
Bonajn por hospitalo. |
4 ruza Lerta en uzo de artifikoj ne rimarkate: Urbanoj ordinare pli ~as ol vilaĝanoj.
|
Kiu ’stas sen kulpo,
Tiu ja ne palas. |
Eĉ plej ruza vulpo
en kaptilon falas. |
|