Se oni prenas unu tagon de la preparado de la Pekinaj Olimpikoj kiel unu paŝon al ĝia malfermo en 2008, do je 8:08 vespere de la 26-a de marto, 2007, nur 500 paŝoj al la inaŭguro de la Pekinaj Olimpikoj restas antaŭ ni. Ĉinoj per siaj propraj maniero kaj agado esprimas sian aspiron al la Olimpikoj.

Melongeno konsistigas la nigran ringon, celerio la verdan, printempa cepo la flavan... per diversaj legomoj dekkelkaj pekinaj loĝantoj faris Kvin Olimpikajn Ringojn kun longeco de 2.2 metroj kaj alteco de 1 metro. Tiumaniere la pekinanoj festis alvenon de la 500-a tago antaŭ la Olimpikoj.

Okazis en Chaoyang-parko, Pekino, la "Longa Piedirado en Printempo de 2007" kun la temo "ĉiuj partoprenas kaj ĝoje vivas". Akompanate de tamburado, dek mil popolanoj en vestoj de ruĝa, flava, blua, verda kaj nigra koloroj komencis longan piediradon je 18 kilometroj.

... kvar, tri, du, unu, en hurao de centoj da amaspopolanoj legiĝis la vortojn "500 tagoj" sur la antaŭkalkula tabulo de la Pekinaj Olimpikoj oriente de Tian'anmen-placo kaj antaŭ la Ŝtata Muzeo de Ĉinio. La Pekinaj Olimpikoj inaŭgurotaj en la 8-a de aŭgusto 2008 pli kaj pli proksimiĝas.